Matiu 6:12 - DAWAN BÎLA AISKA

¹² Wan saurka ban swi tiks, yang nani maipara saura daukan kan ban swih tikisna ba baku.

Matiu 6:12 ပူးပေါင်းရင်းမြစ်များ

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 King Nani 8:34

kasbrika pura ba wina witin nani ra wali kama, bara ai saurka nani ba ban swih tikma, bara kli yarka ai damika nani ra yaram tasbaya ra tawi balbia.

1 King Nani 8:39

kasbrika purara iwisma pali ba wina wali kama, bara pâtka ba ban swih tikma. Ningkara man mahka dîa daukaia lukma ba daukma, kumi bani ra ai daukanka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

1 King Nani 8:50

Bara man uplikam nani mampara saura daukan pâtka ba swih tiks, mampara bûi kupiam sauhkanka daukan ba sut ban swih tikma, bara priski brih wan nani ba bui yarka umpira kaikbia.

Lawana Nani 130:4

Sakuna man ra saurka swih tikan lâka ba bâra sa, kulkanka maikamna dukiara.

Lawana Nani 32:1

Upla kum lâ krikanka daukan pâtka ban swih tikan ba lilia pali sa, saurka sut kulkras ban pâtkas swin ba.

Impakan Sturka 34:7

Upla kiamka tausin nani ra ban ai latwanka lâka bri ba, bara saurka nani sin ban swih tiki ba, sakuna pâtkira uplika ba mapara babura taki saura dauki ba, klala yabras ban lika swiras sa, aisika, luhpia, mulika, snawika, usbaika nani kat kulkan sa.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Daniel 9:19

¡Dawan, Dawan! ¡Yang nani ra wali, wan pâtka ba ban swih tiks! ¡Dawan, kiamam ba yang nani ra laki wali bara bal hilp wan muns! ¡Gâdki, man ninam ba tâwan, tawankam ba dukiara bara uplikam nani dukiara sin, man ninam mâki wisa, bamna kau takaskpara!’

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Mark 11:25

Bara man nani puram sunisma ba ra, upla kum mapara diara brisma kaka, witin ra pâtka ban swih tiks, bara Aisikam kasbrika purara ba sin man nani saurkam nani swih tikbia.

Luk 11:4

Yang nani saurki nani ba ban swih tiks, wan mapara saura dauki uplika nani ra yang nani mita saurka tikisna ba baku. Wan traika kaikan mihta ra ban wan swipara.’

Luk 13:4

Apia kaka Siloé tawerka kauhi upla 18 ikan ba, ¿man nani lukisma baha uplika nani ba kau upla saura nani kata Jerusalem tawanka tilara?

Luk 6:37

“Upla wala lâka aisi daukpara, baku mika Gâd bui man nani lâmka aisi daukbia apia. Upla wala pât ra dingkpara, baku mika Gâd bui man nani pât ra mai dingkbia apia. Upla nani pâtka swih tiks, baku mika Gâd bui man nani pâtkam swih tikbia.

Apastil Nani Sturka 13:38

Muihki nani, man nani sut pain kaikaia sma, wan saurka nani swih tikaia lâka ba lika Jisas bâk mai wisa.

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.