Matiu 5:9 - DAWAN BÎLA AISKA

⁹ “Lilia pali sa kupia kumi lâka dadaukra nani ba, kan witin nani Gâd luhpia nani wibia bamna.

Matiu 5:9 ပူးပေါင်းရင်းမြစ်များ

1 Kronikas 12:17

Debit bûi taki wan wal prawaia, bara win: “Man nani ba yang ra balram sa kupia kumi dukiara; bara tâi baikaia, baku sa kaka, kupi aiska ni mai brisna bal yang wal asla taks; sakuna kunin ai muni waihli nani mihta ra ai mangkaisma kaka, yang pali bui diara saura kumi sin daukras sna, ¡wan almukka nani Dawanka bui baha ba kaiki bara klala yabia!”

Lawana Nani 120:6

Kupia kumi ra misbara kaiki nani ba tilara, piua wihka pali iwri;

Lawana Nani 34:12

¿Man rayakam yua yari brin mai daukisa ki? ¿Rayakam liliaka manis kaikaia brin mai daukisa ki?

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Matiu 5:48

Man nani upla kasakkira banhwi bas, kasbrika purara ba kasakkira sa baku.

Luk 20:36

kli prubia apia bamna. Witin nani lika insal nani wal baku kabia, bara witin nani Gâd luhpia nani kabia pruan wina kli buan ba mita.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Apastil Nani Sturka 7:26

Yu wala, Moses kaikan Israel waitnika wâl lika aiklabi kan, bara witin brin dauki kan baha nani wâlsut ba kupia kumi daukaia, bara witin nani ra win: ‘¿Man nani wâlsut ba muihkam apia? ¿Dîa kan pana pana wînam ra rausauhkisma?’

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 8:14

Baha nani sut Spirit mita tapahki brih auya ba lika Gâd luhpia nani sa.

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

1 Korint 6:6

¿Aitani sa ki, muihni kum ai walka wal unsaban bri ba, wihta idan nani ba mawanra wih yaka ai lâka ba daukbia?

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Pilipai 4:2

Evodia ra bara Síntique ra sin makabisni, trai kaiki wal ai kupia kumi lâka daukbia Dawan ra, ai muihni nani baku.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.