Matiu 5:42 - DAWAN BÎLA AISKA

⁴² Ya dîa mai makabia ba yas; bara ya ya diara lin mai takka, ninam tawi wapara.

Matiu 5:42 ပူးပေါင်းရင်းမြစ်များ

Lawana Nani 37:21

Upla watawi ba, diara makabi brisa; kli yabaia wisi, sakuna kli yabras; upla kasakkira ba lukanka swapni sa, kunin aisaras diara yuisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 21:26

Witin bâra sa yu aiska ai brinka karna ba wal, diara brin dauki iwisa; sakuna upla kasakkira diara yabisa ai mihta takaskras kira.

Smasmalkra 11:6

Saumukkam mâ ba titan ra mangks, bara tutni ra sin mangks, kan man kaikras ani ba yamni takaia ba, tâura, apia ningkara mangkram ba wal, apia kaka wâlsut pâwan kabia.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Matiu 5:41

Ya mita taibi mai muni mail kumi brih wama mai wibia kaka, mail wâl ban brih was.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Roman 12:20

Bara naku sin wisa: “Man waihlam plun dauki kaka, plun yas pibia, bara lî din dauki kaka, lî yas dibia; kan man naha daukisma ba mita, witin ai swira bara sari sin lukbia.”

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.