Matiu 5:4 - DAWAN BÎLA AISKA

⁴ “Lilia pali sa sari bri banhwi nani ba, kan Gâd mita maisa nihkan kabia bamna.

Matiu 5:4 ပူးပေါင်းရင်းမြစ်များ

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 30:19

Kasak pali upla nani Saion, Jerusalem ra iwi ba: man kli inma apia; Dawan umpira mai kaiki ba, witin ai kupia pihni man dukiamra bribia; bîlam baikra inanka walbia ba ra, pana man ra aisabia.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 66:10

“Man nani Jerusalem wal liliam bas, liliam pali bas, man nani sut witin ra latwan kaikisma ba; ai liliaka ra asla taks, man nani sut witin sarka brih inram ba;

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 6:21

“Liliam bas, man nani nanara plun mai dauki ba, kan man nani âuyapah takma bamna. “Liliam bas man nani nanara inisma nani ba, kan ningkara kiki banhwi kama bamna.

Luk 6:25

“¡Alai kabia man nani ra nanara âmyapah brisma ba, kan man nani plun mai dauki kabia bamna! “¡Alai kabia man nani ra, nanara kiki banhwisma ba, kan man nani sari ini banhwi kama!

Luk 7:38

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”