Matiu 5:25 - DAWAN BÎLA AISKA

²⁵ “Upla kum mita lâ mai dingki lâ watla ra mai brih wabia kaka, yabal ra wal kupiam kumi taks, wihta mihta ra mai mangkbia apia dukiara. Kan baha daukras kaka, wihta ba mita pat suldiar nani mihta ra mai mangki silak ra mai mangkbia.

Matiu 5:25 ပူးပေါင်းရင်းမြစ်များ

Job 22:21

Kli mahka pali Gâd wal kupia kumi taks, baku lika kli kainamra yamni impakma.

Lawana Nani 32:6

Baha mita sari tara aula ba piua ra, kasakkira nani ba man ra ai pura sunbia, lisamra tara nani balbia sin, witin nani ra alkbia apia.

Sins Lâka 25:8

bara baha wina wal unsabaia, lâ mawanra dimpara, kan witnis wala bâra sa man aisisma ba bahki wiaia, bara tnata ra man pana dîa wiaia tânka briras kama.

Matiu 26:58

Sakuna Pita lika laih wina nina bliki, ban wihta tara watla lata kat wan, bara bahara dimi tempel main kakaira nani aikuki iwi kan, diara ba nahki takbia sapa kaikaia.

Luk 18:3

Baha sim tawanka ra piarka mairin kum kata, baha piarka mairin ba kli kli naha wihta ra wan, witin ai waihla kum bri kan ba wal ai wapnika daukbia wisi makabi.

2 Korint 6:2

Kan witin Ulbanka ra naku wisa: “Piua pain pali kum ra yang mai walri; swaki sakan lâka yua ra hilp mai munri.” Bara nanara sika piua pain pali ba, bara nanara sika swaki sakan lâka yua.

Hibru Nani 12:17

Bara man nani pain kaikisma, baha ningkara Isau ai aisika wina yamnika ba want takan ba ra, ai ninara kli lakan kata; bara witin kasak inan sakuna, diara daukan ba lakaia tânka sip pliki sakras kan.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

Hibru Nani 3:7

Baku bamna, Spirit Holikira mita Ulbanka ra aisi ba baku: “Naiwa, Gâd bîla baikra ba man nani walma kaka,