Matiu 5:22 - DAWAN BÎLA AISKA

²² Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Matiu 5:22 ပူးပေါင်းရင်းမြစ်များ

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 37:8

Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

2 Samuil 16:7

Simí witin ra ban lahtubi wi kan: —¡Naha wina laihura was, watawikira, upla âikra saura!

2 Samuil 6:20

Debit sin ai watla ra kli tawi wan, ai taya nani ra yamni munaia. Sakuna Mical, Saúl luhpia mairin ba bal takan, witin wal prawaia, bara naku win: —¡Israel kingka na, naiwa witin ai nina tara pali sauhkan! ¡Ai dukia dadaukra albika mairin nani mawanra, upla bahki ai swirkas tara kum baku takan!

1 King Nani 21:4

Bara Ahab ai watla ra wan, sari bara ai kupia baiwan pali kira, Nabot Jezreel wina ba bui bîla nani aisi win ba wali, baha lika ai aisika nani prapatika ba sip yabia apia win ba. Bara ai watla ra wih krikrika ra aitnikan, ai mawan ba utla tnaya tani ra laki, bara plun sin piras kan.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 19:5

Bara sin wihta nani mangkan tawan bani kaina sunanka bri ba ra Juda ra, tawan kumi wina tawan wala kat.

Nihimaya 5:8

Bara witin nani ra naku wîri: “Yang nani nahki sip katna ba kat wan muihni Ju nani ba swaki sakaia daukri, upla sât wala nani ra atkan kan ba mihta wina; ¿bara nanara man nani mita kli muihkam nani ba alba kaia atkisma, bara yang nani bui witin nani ba atki pri sakaia sna ki?” Bara baku witin nani ai bîla praki sâp banhwi kan, diara kumi sin aisaia âpu kan.

Lawana Nani 109:3

Misbara ai kaiki aisinka ba kir ai brisa; ¡pâtkas sin maipara buisa!

Lawana Nani 14:1

Pûlkira ba lukisa, Gâd âpu: witin nani sut warha takan; witin nani diara saura nani daukan; ¡kumi sin âpu sa yamni ba daukaia!

Lawana Nani 25:3

¡Baha nani man ra bîlam kaiki ba, kumi sin swirka swira takbiara! ¡Baha nani kaiki lâ kriki ba, mampara bûi ba mita ai swira takbia!

Lawana Nani 35:19

Waihli nani ba lilia takbiara; misbara ai kaiki nani ba ai nakra kiuski ai kaikbiara.

Lawana Nani 37:8

Kupiam baiwaia lâka ba swis, kasak kupiam baikaia lâka ba sin mahka lulks, kupiam lapta takbiara; baha wina saura daukaia lâka man taki aula.

Lawana Nani 49:10

Kan yawan kaikisa upla sut ba pruaia sa, sinskira nani bara sinskas nani ba sin pruisa; bara ai yuyaka ba upla wala nani brisa.

Lawana Nani 69:4

Pâtkas kapri misbara ai kaiki nani ba, tâiwa mina ba wal kau ailal sa, waihli nani ba ailal pali takan, dîa tâwan rau ai sauhkaia âpu, sakuna taibi ai munisa, yang implikras katna ba kli yabaia.

Lawana Nani 7:4

¿Dîa yang pâinika kum ra, saura munri ki, yamni ba watlika ra? ¿Dîa yang waihli ba, pâtkas kan rausauhki taibri ki?

Lawana Nani 92:6

¡Upla sinskas nani baman baha tânka sip briras!

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 18:6

Ai bîla aisinka nani ba mita taniskira ba trabil ra dimisa; ai bîla aisinka ni klala pain briaia makabisa.

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Inanka Nani 3:52

Pât kum sin âpu kira waihli nani ai alkan, sim piawira lupia baku;

Daniel 3:13

King Nabucodonosor kupia baiwan, bara win Sadrac, Mesac bara Abed-negó ba, witin ra brih wabia. Baha nani witin ra brih wan kan ba ra,

Daniel 3:19

Nabucodonosor naha bîla nani walan ba ra, wahma yumhpa ba mapara lawi kan ba mita, ai mawan ba pauni pali takan kan. Bamna win kubus ba kau aima 7 taim kau lapta daukbia kainara kata ba wal kau karna pali.

Abdías 1:10

“Swiram dauki mai slingbi mai tikan lâka ba wal man puramra bâra ban kabia, man muihkam Jekob ra rausauhki ikram ba tâwan.

Abdías 1:12

Man muihkam sari lâka tara ra kauhan ba kaiki baha yua ra lilia takaia apia kapram. Juda sauhki tikan yua ba, baha kaiki lawaska kikaia apia kapram. Witin nani ai sarka tara bri kan yua ba man lawaska kikaia apia kapram.

Matiu 10:17

Aman kaiki bas, kan upla nani mita mai alki wihta nani mihta ra mai mangkbia, bara prias watla nani ra mai wipbia.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 12:24

Parisi nani naha walan ba ra, naku aisi banhwan: “Naha waitnika lika Bilsibub, dibil nani wihtka ba, witin mita naha waitnika ra karnika yabisa lasa nani ba kangbi sakaia.”

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 18:21

Bara Pita wih, Jisas ra makabi walan: —Dawan, ¿aima an muihki mita maipara saura daukbia kaka, yang mita ban swih tikaia sna? ¿Aima 7 kat?

Matiu 18:35

Bara Jisas naku aisi tnata alkan: —Baku sin Aisiki kasbrika purara ba man nani ra mai munbia, kumi bani muihkam ra kupiam aiska ni traska ban swih tikras sma kaka.

Matiu 23:15

“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 26:59

Prîs tara nani bara lâ wihta nani ba witnis pliki kan, kunin kabia sin ban, Jisas ba prura pâtka ra dingkaia dukiara.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Matiu 5:34

Sakuna, nanara yang mai wisna: Swer takpara pali. Kasbrika purara ba nina mâki apia, kan baha ba Gâd king iwaika bri bamna;

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Mark 14:55

Prîs wihtka nani bara lâ wihtka nani sut mita Jisas mapara witnis plikan ikaia dukiara, sakuna sip sakras kan.

Mark 15:1

Bara yu baiwan ra, prîs wihtka nani asla prawan, wihta almuk nani, Lâ Smasmalkra nani, lâ wihtka nani sut ba kira. Bamna witin nani bui Jisas ba priski bri si, Pailat mihta ra mangkan.

Luk 12:5

Sakuna yang mai wimna yaura lika sibrin briaia ba: Wînam tara ikan ba ningkara sulkam ba sin hil pauta ra lulkaia karnika bri ba ra lika, sibrin luks. Âu, witin ra sibrin luki bas.

Luk 22:66

Bamna yu baiwan kan, Ju almukka nani, prîs tara nani bara Lâ Smasmalkra nani sut asla aidruban, bara Jisas ba lâ wihta tara nani mawanra brih wan. Bahara witin ra makabi walan:

Jan 11:47

Bamna parisi nani, prîs tara nani bara lâ uplika nani aikuki asla taki, makabi walan: —¿Yawan dîa daukaia sa ki? Naha waitnika lika wark aihka nani uya pali daukisa.

Jan 15:25

Sakuna naha na baku takaia kan, baha bîla nani witin nani lâka wauhkataya ra ulban ba kat aimakaia dukiara: ‘Pâtkas pali misbara ai kaikan.’

Jan 7:20

Upla nani ba mita pana win: —¡Man pirit saura kum brisma baku sa! ¿Ya man ra mai ikaia want sa ki?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 22:30

Yu wala, suldiar kiaptinka ba pain kaikaia want kan, dîa dukiara Ju nani mita Pal mapara bûi kan sapa. Bara Pal mihta ra sîn wilkan ba lanhkan, bamna adar yan prîs tara nani ba sut asla aidrubia. Bamna Pal ba sakan baha nani mawanra.

Apastil Nani Sturka 23:1

Pal ba Ju lâka dadaukra wihtka nani ba kaiki, naku win: —Muihki nani, piua bani ban naiwa kat sin, Gâd mapara lukanki na pain brisna.

Apastil Nani Sturka 24:20

Apia kaka, naha nani nâra banhwi na yarka aisabia, Ju lâka dadaukra wihtka nani mawanra katna ba ra, dîa pât kum yang ra sakan sapa.

Apastil Nani Sturka 4:15

Kuna witin nani win aidrubanka rumka ba wina taki wabia, bara witin nani ai mânka man aisaia kan bamna.

Apastil Nani Sturka 5:21

Bamna apastil nani naha walan ningkara, yu wala titan pali witin nani tempel ra dimi, mahka upla nani ra smalkan. Bara prîs tara bara ai uplika nani ba mita, Ju almukka nani sut paiwan, witin nani aikuki aidrubanka tara kum daukaia. Bamna witin nani win apastil nani ba silak watla ba wina saki bri balbia.

Apastil Nani Sturka 5:27

Apastil nani ba bri sal, aidrubanka wihtka mawanra kat yan buan, bara prîs tara ba naku win:

Apastil Nani Sturka 6:12

Naku ni almuk nani bara Lâ Smasmalkra nani ba sut sinska aihka laki banhwan, bamna witin nani mita Stiben ba alki lâ wihtka tara nani mawanra brih wan.

Apastil Nani Sturka 6:15

Bara lâ wihtka tara nani bara upla sut bâra iwi kan ba mita Stiben ra tawi kaikan ba ra, witin mawan ba sin insal mawan baku kan.

Apastil Nani Sturka 7:37

Naha sim Moseska sika Israel luhpia nani ra naku wisata ba: ‘Gâd mita prapit kum mai blîkbia, man nani muihkam nani tila wina, sim yang ai blikan baku. Man nani bui witin bîla wali bas.’

Roman 12:10

Man nani muihkam ra, lamkra ra baku pana pana latwan kaiks, pain kulki yamni ba yabi bas.

1 Korint 6:6

¿Aitani sa ki, muihni kum ai walka wal unsaban bri ba, wihta idan nani ba mawanra wih yaka ai lâka ba daukbia?

Kli Smalkanka 15:11

Upla umpira nani ba danh takbia apia naha tasbaya ra, bara baha mita yang mai blikisni, man nani mihtam param kama, man nani kuntrikam ra uplikam nani umpira pâtka wahwi ba aikuki.

Kli Smalkanka 16:18

“Kiamka bani dukiara Dawan Gâdkam bui tawan nani maikan ba ra, wihta nani mangks, kasak rait pali tawan lâka daukaia dukiara.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Taitus 3:2

Upla kumi nina ra sin saura aisi kabiara, sakuna kupia kumi lâka bri nani kabia bara upla wal asla uplika nani kabia, bara ai kupia swapnika ba upla sut ra latan mariki nani kabia.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

Jems 3:6

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.

1 Jan 2:9

Bamna upla kum wisa witin ba ingni ra sa, sakuna ai muihni ra misbara kaikisa kaka, witin ba lika kau tihmia ra sa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

Judas 1:9

Bamna arkinsal Maikel, Moses wîna tara briaia ba dukiara dibil wal aiklabi blahwi kan ba ra, witin dibil ra swira dauki kira pât ra lakras kan; sakuna naku baman win: “Dawan mita klala maikbia.”

Param Marikanka 20:14

Baha ningkara, prura ba bara pruan nani pliska ba wâlsut pauta lakni lakunka ra lulkan kan. (Pauta lakni lakunka na sika prura wala ba.)