Matiu 5:19 - DAWAN BÎLA AISKA

¹⁹ Baha mita, ya ya lâ bîla kum kau sirpi ba kra bîla walras kaka, bara upla wala ra sin baku daukbia wisi smalkbia kaka, Gâd king aimaki ba lâka ra witin ba kau mâyara kulkan kabia. Sakuna ya mita lâ bîla nani ba bîla wali ai uplika ra sin baku daukbia wisi smalkbia kaka, Gâd king aimaki ba lâka ra witin ba tara kulkan kabia.

Matiu 5:19 ပူးပေါင်းရင်းမြစ်များ

Lawana Nani 119:128

Baha mita tâi briram man lâmka nani bâk, bara misbara kaikisni kunin daukanka nani ba.

Lawana Nani 119:6

Bâra mika swiri daukan kabia apia, yang bui man lâmka bîla nani kat daukisna ba ra,

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Matiu 11:11

Kasak pali mai wisna, upla ailal naha tasba ra iwan ba tilara Jan ba kau tara sa; sakuna kasbrika purara Kingka lâka ra kau mâyara ba Jan purkara sa.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 20:26

Sakuna man nani tilamra lika baku kabia apia. Bamna man nani tilamra ya tara kaia lukisa kaka, wala nani dukia daukaia sa;

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 11:42

“¡Alai, man nani, parisi nani! Mint wahia, ru wahia bara diara sirpi pâwi ba sut wina Gâd ra matawalsip bani wina kumi yabisma ba, sakuna diara wapni bara Gâd latwanka lâka bîla walras sma ba. Naha diara nani sika man nani daukaia sma ba, diara wala nani sut ba sin ban dauki kira.

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Apastil Nani Sturka 1:1

Kulkanka tara brisma Teófilo: wauhtaya pas mai ulbatna ra, yang ulbri kata Jisas dîa daukan, dîa sin smalkan ba, tâ wina

Roman 3:8

Bamna baku kaka, ¿dîa muni wiras, saura ba daukbia, diara yamni ba balbia dukiara? Upla kum kum lukan saura brih aisisa, baku pali yang nani mita smalkisna; sakuna baha sât uplika nani ba pât ra dingkan kaia aitani sa.

Roman 6:1

Bamna, ¿yawan dîa wiaia sa ki? ¿Saurka ba ban dauki kaia sa, bara Gâd mita ai kupia yamni lâka ba kau wan marikbia?

Roman 6:15

¿Baku ba mita, dîa? ¿Yawan lâ mununhtara apia sa, sakuna Gâd kupia yamnika mununhtara ba mita saura yaia sa ki? ¡Sip apia pali!

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Kli Smalkanka 27:26

‘Naha lâka nani ya kulkras kabia ba, lahtuban kabia, trai kaikras kabia sin.’ Bara upla sut wibia: ‘Baku kabia.’

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

1 Jan 3:4

Sakuna ani uplika saura dauki ba, witin lika Gâd lâka ba sauhkisa, kan saura daukaia ba lika lâ krikaia lâka sa.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.