Matiu 4:3 - DAWAN BÎLA AISKA

³ Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Matiu 4:3 ပူးပေါင်းရင်းမြစ်များ

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Matiu 14:33

Bara duri bilara kan nani ba Jisas mawanra ai lula kriki, naku aisi banhwan: —¡Kasak pali man na Gâd Luhpia sma!

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Mark 1:1

Naku sika, Gâd Luhpia Jisas Kraist sturka yamni tâ krikan ba.

Mark 3:11

Bara pirit saura bri kan uplika nani, Jisas ra kaiki ba ra, witin mawanra ai lula kriki, naku ai bîla baikra tara wini kan: —Man sika Gâd Luhpia ba.

Mark 5:7

Bara ai bîla baikra tara ni wini, aisin: —¡Yang tilira dimpara, Jisas, Gâd Laih Purara iwi ba Luhpia sma ba! ¡Gâd nina mâki mai wisni, yang ra rau ai sauhkpara!

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 22:70

Bamna sut mita makabi walan: —Ban kaka, ¿man na Gâd Luhpia? Jisas pana wisata: —Âu, yang sna, man nani aisaram ba baku.

Luk 4:3

Baku bamna, dibil ba bila: —Man ba Gâd Luhpia kaka, naha walpaya ra aisas bara brit takbia.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 4:9

Baha ningkara, dibil Jisas ba Jerusalem tawanka ra bri si, tempel bahna ra suni, naku win: —Man ba kasak Gâd Luhpia kaka, naha wina kauhs;

Jan 1:34

Pat yang mita kaikri, bara baha witniska sin aimakisna: witin sika Gâd Luhpia ba.”

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 9:35

Jisas walan blain waitna kata ba, prias watla wina saki lulkan ba. Witin waitnika wal prawan ba ra, naku win: —¿Man ba Upla Luhpia Waitna ra kasak lukisma ki?

Apastil Nani Sturka 9:20

Ningkara Saulo lika mahka prias watla nani ra smalkan. Witin aisin Jisas ba kasak Gâd Luhpia sa.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

1 Tesalonaika 3:5

Baha mita sika, yang mita Timoti ba blikri balan. Yang kau baha trabilka wahwaia sip apia katna, baha mita yang bui witin ba blikri man nani kasak lukankam lâka tânka ba mamkabi walaia wisi. Kan yang sibri kapri dibil man nani ba saura lâka ra pat mai batakan sa wisi, baku sa kaka, wark dauki banhri ba sut bahki baman kaia kan bamna.

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 7:3

Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.