Matiu 4:23 - DAWAN BÎLA AISKA

²³ Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 4:23 ပူးပေါင်းရင်းမြစ်များ

Lawana Nani 103:3

Witin bui yang watawanki nani sut ba, swih tikisa, witin bui yang sikniski nani sut ba wina ai rakisa.

Lawana Nani 74:8

Witin nani âpu sauhki wan tikaia lukan; kuntri nani sut ba angkan anira asla taki mamyuni kata ba pliska nani sut sin.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 12:9

Bara Jisas baha wina taki, pliska ra prias watla bâra kan ba ra diman.

Matiu 13:19

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Matiu 13:54

bara witin ai tasbaya pali ra wata. Bahara prias watla ra mahka smalkan, bara upla nani tâ iwi, naku aisi kan: —¿Waitnika na sins lâka tara bri na, anira lan takan? ¿Sain aihka nani na, witin nahki daukisa ki?

Matiu 14:14

Jisas duri wina takan ba ra, upla ailal bahara kan kaikan, bara witin nani ra umpira kaikan, bara sikniskira nani bri balan ba sut rakan.

Matiu 24:14

Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Matiu 9:35

Jisas lika tawan tara nani bara tawan sirpi nani ra sin tauki kan, bara tawan bani priaska watla nani ra smalki kan. Witin lika Gâd king aimaki ba lâka sturka yamni ba smalki kan, bara siknis sât sât, wan wîna latwanka nani sin raki kan.

Mark 1:14

Witin nani Jan Tatahbra silak watla ra mangkan ba ningkara, Jisas Galili ra wan, Gâd wina sturi yamni win ba aisi smalkaia.

Mark 1:21

Bara witin nani Kapernaum ra diman. Ris yua ra, Jisas prias watla ra dimi, upla ra mahka smalkan.

Mark 1:39

Baku Jisas Galili kuntrika aiska ra tauki kan, tawan bani ra Ju nani priaska watla ra smalki, bara pirit saura nani sin kangbi saki kan.

Mark 3:10

Kan upla ailal rakan ba mita, sikniskira nani ba pana pana tukbi kan ai lamara wih kangbaia dukiara.

Mark 6:2

Ris yua balan ba ra, prias watla ra dimi, mahka smalkan. Upla ailal baha wali, tâ iwi, naku aisan: —¿Naha waitnika anira naha diara nani sut lan takan sa ki? ¿Sinska lâka tara pali bri na, sain tara sin dauki na, ya wina yan ni?

Mark 6:6

Witin sin tâ iwan, witin nani kasak lukras kan bamna. Ningkara, Jisas tawan sirpi nani ra wih smalki tauki kan.

Luk 10:9

sikniskira nani bahara kaka, râks, bara naku sin wis: ‘Gâd king aimaki lâka ba pat man nani lamamra sa.’

Luk 13:10

Ris yua kum ra, Jisas Ju nani priaska watla ra upla smalki kata.

Luk 16:16

“Jan Tatahbra piua kat baman, Moses lâka bara prapit nani smalkanka ba ban kan. Baha wina lika Gâd king aimaki lâka sturka yamni ba smalkan sa, bara upla sut sin dimaia trai kaikisa.

Luk 20:1

Yu kumi Jisas tempel ra upla nani ra smalki kan, bara swaki sakan lâka ba dukiara sin aisi kan, prîs wihtka nani, Lâ Smasmalkra nani bara wihta almuk nani ba sin aikuki aidrubi bal,

Luk 4:14

Jisas Galili ra balan, Spirit Holikira karnika ni aibanhwan pali, bara baha tawanka aiska uplika nani witin dukiara aisi kan.

Luk 5:17

Yu kumi Jisas bui upla smalki kan. Bahara iwi kan parisi nani bara Lâ Smasmalkra nani ba sin; witin nani Galili tawanka sirpi bani wina, Judia wina bara Jerusalem wina sin balan kan. Baha sim piua ra, Gâd karnika ba mariki kan Jisas mita, upla siknis nani ba raki.

Luk 6:17

Jisas il ba wina bal iwi, baha nani aikuki twi langni kum ra takaskan. Bahara upla sin manis pali kata, Judia lamara tawan sirpi nani ba wina, Jerusalem wina, bara kabu un tani Tiro bara Sidón wina sin. Naha nani aidrubi balan Jisas ra walaia bara ai sikniska nani wina sin rakbia dukiara.

Luk 6:6

Ris yua wala ra, Jisas Ju nani priaska watla ra dimi smalki kata. Bahara waitna kum kan, mihta aihkika ba lâwan kan.

Luk 7:21

Baha nani aidrubi balan ba sim piua ra, Jisas bui upla manis raki kan, siknis nani wina, taya ra diara saura taki ba wina, pirit saura nani wina, bara blain nani ra nakra yan.

Luk 7:22

Baku bamna, Jisas pana win: —Man nani wih Jan ra wis, dîa kaikram bara walram ba sin: Blain nani ba kaikisa, mina skahwa nani ba wapisa, liparkira nani klin daukan sa ai sikniska wina, kiama prawan nani ba walisa, pruan nani ba kli rawi buisa, bara umpira nani ra swaki sakan sturka ba smalkan sa.

Luk 8:1

Naha ningkara, Jisas tawan tara nani bara tawan sirpi nani ra sin impaki, Gâd Kingka Lâka sturka ba smalki kan. Apastil 12 ba witin yula kahbi tauki kan.

Luk 9:11

Sakuna upla nani baha walan ba ra, ai nina blikan; bamna Jisas baha nani ba brih, Gâd kingka lâka dukiara smalkan, sikniskira nani bâra kan ba sut rakan.

Luk 9:60

Sakuna Jisas pana win: —Swis pruan nani ai pruanka nani ba bikbia; sakuna man lika Gâd king aimaki lâka sturka ba upla nani ra wih maisa paks.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 6:59

Jisas naha diara nani na smalkan, Kapernaum Ju nani priaska watla ra asla aidruban kan ba piua ra.

Jan 7:1

Naha diara na ningkara, Jisas Galili tasbaya ra impaki tauki kan; witin Judia ra takaskan daukras kata, kan bahara Ju nani witin ra ikaia want kan bamna.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 18:4

Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.

Apastil Nani Sturka 20:25

“Bamna yang naiwa kasak pali mai wisna, man nani tilamra Gâd King aimaki ba lâka smalki tauki kapri ba, kli maiwan kaikma apia.

Apastil Nani Sturka 28:31

Pri pali Pal Gâd kingka lâka ba smalki kan, Dawan Jisas Kraist sturka sin. Bara upla kumi sin witin ra trabil munras kata.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”