Matiu 4:11 - DAWAN BÎLA AISKA

¹¹ Bara dibil ba Jisas ra mahka swin, bara insal nani bal ai dukia dauki kan.

Matiu 4:11 ပူးပေါင်းရင်းမြစ်များ

1 King Nani 19:6

Bara witin kaikan, kaiks turtiya angkan kum ai lal tani ra kan masku purara, bara lî sumi kum sin. Bara pata ba pin, laya ba sin din, baha ningkara kli mahka aitnikan.

Matiu 26:53

¿Kaikras sma ki yang sip sna Aisiki ra makabaia, bara witin sip sa naha pali piua insal dakni 12 pura blikaia?

Matiu 4:6

naku win: —Kasak man ba Gâd Luhpia sma kaka, naha wina kauhs; kan Ulbanka ra wisa: ‘Gâd ai insalka blîkbia main mai kaikaia; ai mihta nani ni mai alki mai bukbia, minam ba walpa ra kra pruki latwan brima apia dukiara.’

Mark 1:13

Bahara Jisas yu 40 takaskan, daiwan kraskira nani tilara, bahara Sitan mita ai traika kaikan; bara insal nani bal ai dukia dauki kan.

Luk 22:43

Bamna kasbrika pura ba wina insal kum balan, witin ra tâ baikaia.

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Luk 4:13

Baku bamna, Sitan kaikan Jisas ra traika kaikaia diara wala sakras kan, bamna piua wiria prais kat witin ba swin.

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 1:6

Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”