Matiu 3:7 - DAWAN BÎLA AISKA

⁷ Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Matiu 3:7 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Sins Lâka 28:4

Mahka lâ yamni swin uplika nani ba mita, upla watawikira nani ra mayunisa; kuna lâ ban brih dauki banhwi ba lika, baha nani ba mapara buisa.

Aiseya 59:5

Piuta kau puisinkira mahbra ba brih, bawi luhpa baikisma, bara anansi kiwka nani mamisma; ya baha mahbra wina pi ba pruisa bara upla baha mahbra nani ai mina ra taibia kaka, piuta puisinkira nani takbia.

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Matiu 12:24

Parisi nani naha walan ba ra, naku aisi banhwan: “Naha waitnika lika Bilsibub, dibil nani wihtka ba, witin mita naha waitnika ra karnika yabisa lasa nani ba kangbi sakaia.”

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 15:12

Bamna disaipil nani Jisas lamara bal makabi walan: —¿Kaikisma ki parisi nani man aisaram ba wali, ai kupia baikan ba?

Matiu 16:1

Parisi nani bara sadiusi nani sin Jisas ra kaikaia wan; bara traika kaiki muni, witin ra makaban kasbrika purara ba wina sain aihka kum witin nani ra marikbia.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

Matiu 22:15

Parisi nani ba mahka wan, bara ai lâka daukan Jisas ra munka diara aisabia ba ra, dahra sakaia dukiara.

Matiu 22:23

Baha sim yua, sadiusi kum kum Jisas ra kaikaia wan. sadiusi nani wisa pruan nani ba lika kli sip bubia apia; bamna naha tânka na Jisas ra makabi walan:

Matiu 22:34

Jisas sadiusi nani ba bîlas daukan ba parisi nani kiama ra diman ba ra, sut asla takan;

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 5:20

Kan yang bui man nani ra mai wisna: kasakkam lâka ba Lâ Smasmalkra nani bara parisi nani daukanka ba wal kau purara apia kaka, Gâd Kingka Lâka ra ban kaia ra dimma apia.

Mark 12:13

Bara witin nani mita Jisas ra, parisi nani, bara Herod uplika nani sin blikan, yaka dîa pana aisabia bara dahra kwahkaia dukiara.

Mark 12:18

Bara sadiusi tila nani Jisas ra kaikaia wan. Naha nani bila pruan nani ba sip bubia apia wisa. Bara naha dukiara Jisas ra naku makabi walan:

Mark 8:15

Bara Jisas karna aisi smalkan: —Kaiks, damra wals parisi nani îska ba, Herod îska dukiara sin.

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 7:30

Sakuna parisi nani bara Lâ Smasmalkra nani Jan mita tahbi daukras kan ba, Gâd bui witin nani dukiara dîa daukaia lukan ba, bahki kulkan.”

Jan 1:24

Parisi nani mita Jan wal aisaia blikan uplika nani ba,

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Jan 9:40

Bara parisi kum kum witin wal banhwi kan ba naha walan ba ra, makabi wali banhwan: —¿Dîa yang nani na sin naikra aisawan sa ki?

Apastil Nani Sturka 15:5

Parisi daknika wina, tila nani kasak luki banhwan nani ba, ai mina ra bûi, naku aisin: —Ju apia nani kasak luki banhwi ba sut, ai wîna ra Aisa sainka ba briaia sa, Moses lâ nani wankan ba sin kulkaia sa.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 26:5

Witin nani pain kaikisa, baha dukiara aisaia wilin kaka sip sa aisaia, yang na wahma wina parisi katna, baha daknika sika yang dakniki ra lâ kau karna bri ba.

Apastil Nani Sturka 5:17

Sakuna prîs tara bara sadiusi uplika nani sut apastil nani ra tuman lâka brin.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.