Matiu 3:16 - DAWAN BÎLA AISKA

¹⁶ Jisas ra tahbi daukan ba ra, Jisas lî wina mahka takan. Tisku kan, kasbrika purara ba kwawan, bara Jisas kaikan Gâd Spiritka ba butku baku ai purara aula kan.

Matiu 3:16 ပူးပေါင်းရင်းမြစ်များ

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Mark 1:10

Bara kaiks, lî wina taki aula kan ba ra, Jisas kaikan kasbrika pura ba kwawan, bara Spirit Holikira ba butku baku ai purara bal iwan.

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Apastil Nani Sturka 1:22

Jan tahbi daukata ba wina ban Jisas kasbrika purara uli wan piua ba kat. Bara aitani kabia witin nani ba wina kum wan tilara briaia, Jisas raiti wina buan ba dukiara witniska kaia.”

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.