Matiu 28:9 - DAWAN BÎLA AISKA

⁹ Tisku baku kan, Jisas witin nani ra latan taki, lakula win. Bara witin nani ba Jisas lamara wih, ai mina nani ra kiaubi alki, ai lula kriki mayunan.

Matiu 28:9 ပူးပေါင်းရင်းမြစ်များ

Aiseya 64:5

Man brisma yaura yamni ba daukaia, lilia lâka ni; bara kupiam krawisa piua ra man dîa daukaia want sma ba kat daukisma. Man kupiam baikram kan, yang nani mampara saura daukri bamna; baha saurka lâka ra yang nani piua wihka iwri.

Matiu 14:33

Bara duri bilara kan nani ba Jisas mawanra ai lula kriki, naku aisi banhwan: —¡Kasak pali man na Gâd Luhpia sma!

Matiu 23:7

Witin nani plikisa yabal ra upla nani ba mita witin nani ra tara kulki ai lakula daukbia bara smasmalkra nani wibia.

Matiu 28:10

Jisas mita mairka nani ra win: —Man nani si bripara. Muihki nani ra wih maisa paks Galili ra wabia, bara bahara ai kaikbia.

Matiu 28:17

Witin nani bui Jisas ra kaikan ba ra, ai lula kriki mayunan, sakuna kum kum lika kau kasak lukras kan.

Matiu 28:8

Bara mairka nani aihni pali raiti ba wina wan, sibrinkira bara lilia pali sin; bara plapan man wih ai disaipilka nani ra sturka ba maisa pakan.

Luk 1:28

Witin bâra kan ba pliska ra insal ba bal dimi, naku win: —¡Lamkula maikisna, mairin yamnikira sma ba! Dawan ba man wal sa.

Luk 24:52

Witin nani lika Jisas ra ai lula kriki mayunan ba ningkara, kli Jerusalem ra liliakira aidrubi balan,

Luk 7:38

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

Jan 12:3

Baku mika, Meri mita batana isint kîa painkira batil banhki bri balan, baha ba mana pali kan, bamna baha ni Jisas mina nani ra yukan bara ningkara ai tâwa ni dikan. Utla aiska ba isint kîa man kata.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:28

Tamas mita pana win: —¡Yang Dawanki bara yang Gâdki!

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.