Matiu 28:2 - DAWAN BÎLA AISKA

² Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Matiu 28:2 ပူးပေါင်းရင်းမြစ်များ

Matiu 27:60

witin raiti raya kum bri kan ba ra bri si tnikan; baha raitika ba lika walpa kan sukutban. Raitika dimaia ra walpa tara kum ni praki si, witin mahka wan.

Matiu 27:66

Bara witin nani wan, bara raitika ba kasak pali dauki, walpa raiti durka praki swin bara sîl kum prakan, bara aihwakaia suldiarka nani ba swi si, witin nani mahka wan.

Jan 20:1

Wik yua pas, Meri Magdalin ba raiti ra wan titan pali, kau tihmia kata witin kaikan, walpa raiti pura prakan kata ba sakan kan.

Apastil Nani Sturka 16:26

Tisku baku kan, tasba nikban, bara silak watla playka nani ba sut sin nikban kata. Baha sim piua ra silak watla durka nani sut ba kwawan, bara silak ra mangkan uplika nani ba sut wilkan nani kan ba lanhwi kauhan.

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.