Matiu 27:51 - DAWAN BÎLA AISKA

⁵¹ Baha sim piua ra, tempel kwalka paman kan ba lilak kalwan, pura wina munhta kat. Bara tasba ba nikban, walpa nani ba tar baiwan,

Matiu 27:51 ပူးပေါင်းရင်းမြစ်များ

2 Kronikas 3:14

Pamaia kwalka ba pauni, balianta talia bara linin ni paskan; baha ni kirubin nani tnawa ba sin bukan kata.

Lawana Nani 18:15

Kabu tihuka ra diara nani bâra ba, param takan; tasba bapan playka nani param sakan kan, Dawan bui lawi dauki aisin bîla ba mita, ai wingka puhbra karna puhban ba mita.

Lawana Nani 18:7

Bara tasba nikbanka tara kum takan, il nani playka ba sin nikban kata, Dawan kupia baiwanka ba mita nikban kata.

Impakan Sturka 40:21

Bara holi pliska, tint watla lila ba kat bri si swin. Bara pamaia kwalka ba paman bara lâ auhban watla ba yukukan, Dawan mita Moses ra nahki daukaia win ba baku daukan.

Aiseya 25:7

Naha ilka ra pura bikaika kum bâra ba, upla nani sut pura praki ba witin mita sauhki tikbia, kwala nisan nani sut ra sruki bri ba.

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Libait Lâka 21:23

sakuna kwala ni kutban ba ra lubia apia, altar lamara waia apia, yamni sunu pliska ba ra baha watawanka ba wal dimbia apia. Yang sika ai Dawanka, witin nani ra holikira sakri ba.”

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Kulki Kaikanka 4:5

Upla nani ba mahka yabal ra impakaia bûi banhbia ba ra, Eran ai luhpia nani wal bal, tint watla durka ra kwalka paman ba lanhki sâkbia, bara baha kwalka bani lâ nani auhban watla ba pura prakbia.

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 28:2

Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Mark 15:38

Tempel kwalka paman kan ba, wâl lilak kalwan, pura wina mâya kat.

Luk 23:45

Lapta ba ai ingnika ba sakras, bara tempel ra kwala paman kan ba lilak kalwan.

Luk 23:47

Rom kiaptinka baha kaikan, Gâd ra mayuni, win: —Kasak pali naha waitnika na pâtkas pali kata.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

Hibru Nani 9:3

Tempel kwalka paman wala ba nina wala ra bâra kan, baha sika Plis Holikira pali mâki kan ba.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.