Matiu 26:7 - DAWAN BÎLA AISKA

⁷ bara mairin kum alabaster batilka kum ra batana laya kîa painkira mana pali kan ba banhki brih, Jisas lamara balan. Witin tibil ra iwi kan ba ra, mairka na mita batanka laya ba ni lal purara laikan.

Matiu 26:7 ပူးပေါင်းရင်းမြစ်များ

2 King Nani 9:1

Bara prapit Ilaidsa mita prapit nani daknika tila wina kum paiwan balan, bara win: —Taki waia ridi bas. Naha batanka laya na bris bara Ramot Galaad ra was.

Lawana Nani 133:2

Isint kîa painkira baku sa, prîs nani lal wina iswi auya ba, bara unmaya bâk iswi iwi ban prâka nana kat wi ba.

Smasmalkra 10:1

Kukas pruan kum ba bisbaya sa bara kîa pain ra sauhkisa. Sinskas lâka nani isti ba dukiara kau aisisa, sins lâka kulkanka kau bri ba wal.

Smasmalkra 9:8

Piu sut ra kwalkam pihni dimi bas; lamla ra sin isint kîa pain nani ba mangki bas.

Yamni Kulki Lawana 1:3

Batankam laya kîa ba, wan kakma ra kiawalaia auhni pali sa, man ninam mâkisa, batana laya kîa pain laiwan ba. ¡Baha mita mairin nani ba, uba pali laik mai kaikisa!

Aiseya 57:9

Gâd Mélec ra plapi waram batana laya brih muni bara isint kîa pain ba sin ailal; bîla twatwilkra nani ba laihura blikram, witin nani ba, pruan nani kingka tasbaya kat brih waram.

Matiu 26:8

Disaipil nani naha kaikan ba ra, ai kupia baiki, naku aisan: —¿Dîa muni naku bahki tikaia?

Mark 14:3

Jisas Betania ra, Saiman liparkira kata watla ra kan. Witin tibil ra iwi kan ba ra, mairin kum walpa ni daukan batilka kum, tangni, batana laya kîa painkira banhki brih, bahara balan. Bara batilka ba baiki, batanka laya ba Jisas lal ra laikan.

Luk 7:46

Man mita laila ra batana mangkras, sakuna mairin na batana kîa pain ba ni mini nani ra yukan.