Matiu 26:61 - DAWAN BÎLA AISKA

⁶¹ naku win: —Naha waitnika naku aisin: ‘Yang sip sna Gâd tempelka ba sauhki tikaia, bara yu yumhpa ra kli bapaia.’

Matiu 26:61 ပူးပေါင်းရင်းမြစ်များ

Blasi Sturka 19:9

Sakuna witin nani bui pana witin ra win: —¡Man tnaya ra taws! ¿Man ba ya, tringsar kum sma na, man mita yang nani ra lâ aikaia? ¡Yang nani bui witin nani ra saura munaia lukri ba purkara, man ra kau saura mai munamna! Uplika nani ba bal diman, Lot ba alki raski sakaia bara dur ba sin kriki dimaia,

1 King Nani 22:27

Bara witin nani ra wis, yang wisni, waitnika na silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

2 King Nani 9:11

Naha diara nani ningkara Jehú ba ai kiaptinka wihtka nani ra wan, bara naha nani bui makabi walan: —¿Dîa trabil? ¿Dîa dukiara naha grisi na man ra balan? Bara witin bui pana win: —Man nani ba kakaira sma bara witin ai daukanka ba sin kakaira sma, nahki ai aisinka natka ba tânka brisma.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Matiu 12:24

Parisi nani naha walan ba ra, naku aisi banhwan: “Naha waitnika lika Bilsibub, dibil nani wihtka ba, witin mita naha waitnika ra karnika yabisa lasa nani ba kangbi sakaia.”

Matiu 26:62

Bara prîs nani wihtka ba tit bûi, Jisas ra win: —¿Pana diara kumi sin aisaras sma ki? ¿Diara mampara aisi banhwi na dîa atia ki?

Matiu 26:71

Pita pat dur lamara auya kan ba ra, alba mairin wala kum mita kaiki, bahara kan ba ra win: —Naha waitnika sin Jisas Nasaret wina ba wal tauki kan.

Matiu 27:40

naku aisan kan: —¡Man, tempel ba slingbi yu yumhpa ra kli paskisma ba, man wînam kat swaki taks! ¡Gâd Luhpia sma kaka, dus prihni ba wina bal iws!

Matiu 27:5

Bara Judas lalahka ba tempel ra lulki si, mahka taki wih, ailangki pruan.

Mark 14:58

—Yang nani naku aisi kan walri: ‘Naha tempelka upla nani mita mâkan na sauhkamna, bara yu yumhpa ra yang mita upla nani mâkras tempelka wala kum mâkamna.’

Mark 15:29

Bara ai lamak lui nani ba witin ra swira daukan, ai lal sin wauhi, naku aisin: —¡Alai, man tempel batakisma bara yu yumhpa ra kli bapisma ba,

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Jan 9:29

Yang nani lika pain kaikisna Gâd mita Moses ra aisin; sakuna baha waitnika ba lika ani wina sapa sin yang nani kaikras.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 18:13

wihta ra win: —Naha waitnika mita upla nani ra smalki kupia alki taukisa, nahki Gâd ra ai pura suni mayuni banhwaia, Moses lâka ba sauhki natka ra.

Apastil Nani Sturka 22:22

Naha bîla kat baman sip kan upla nani ba Pal ra wali kaia, bara witin nani mahka karna wini banhwan: “¡Baha waitnika ba mahka ikaia aitani sa! ¡Naha sât waitnika ba sip apia kau raya kaia!”