Matiu 26:18 - DAWAN BÎLA AISKA

¹⁸ Witin mita pana win: —Tawan ra was, waitna kum watla ra, bara naku wis: ‘Smasmalkra bila wisa: Awarki ba pat baila sa, bamna wamtla ra disaipilki nani aikuki Insal luan Yua Liliaka ba daukaisna.’

Matiu 26:18 ပူးပေါင်းရင်းမြစ်များ

Matiu 21:3

Bara ya ya diara kum mai wibia kaka, naku wis: Dawan naha nani na brin daukisa, bara naika bri balbia.

Matiu 23:10

Tâ uplika nani sin mai mâki banhbiara, kan Misaya ba baman sika tâm uplika ba sa.

Matiu 23:8

“Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma.

Matiu 26:19

Disaipil nani Jisas win ba baku daukan, bara Insal luan Yua Liliaka tutnika pata ba ridi daukan.

Matiu 26:2

Man nani kaikisma baku, yu wâl lubia ningkara, Insal luan Yua lilia kabia; bara Upla Luhpia Waitna, waihli nani mihta ra ai mangkbia dus prihni ra ai sabaia.

Matiu 26:49

Bara witin Jisas lamara bal, win: —¡Naksa, Smasmalkra! Bara witin ra kiawalan.

Mark 5:35

Kau Jisas aisi kan, Ju nani priaska watla wihtka watla wina upla bal, tuktika mairin aisika ra naku maisa pakan: —Luhpiam mairin ba pat pruan. ¿Bara dîa muni kau Smasmalkra ra trabil munisma ki?

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Jan 11:28

Naha aisin ningkara, Marta wan ai muihni Meri ba winaia, bara witin wal man aihka taki, naku win: —Smasmalkra ba nâra sa, bara witin lika mai paiwisa.

Jan 12:23

Bamna, Jisas pana win: —Piua ba aimakan sa, Upla Luhpia Waitna prana daukan kaia.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Jan 20:16

Jisas mita win: —¡Meri! Meri Magdalin tawi, Hibru bîla ra win: —¡Rabuni! (baha bîla tânka ba lika “Smasmalkra”).

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 7:6

Bamna Jisas witin nani ra win: —Yang piui ba kau aimakras sa, sakuna man nani mampa ra lika awar bani ba pain sa.

Jan 7:8

Man nani was baha liliaka tara ra; yang lika wamna apia, kan piui ba kau aimakras sa.