Matiu 25:3 - DAWAN BÎLA AISKA

³ Sinskas nani ba ai lampka nani brih wan, sakuna lampka laya ba kli lamp ra laikaia kan ba brih waras kan;

Matiu 25:3 ပူးပေါင်းရင်းမြစ်များ

Sins Lâka 31:18

Witin aihwaki kaikisa, diara nani suni atki ba sut pain auya sapa, bara tihmia aihwa kat sin kau ban wark takisa.

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Isikiel 33:3

Bara aihwawakra ba, suldiar ai waihla nani ba tawan lamara aula ba ra, trumpit ba puhbisa upla ra kaina manis maisa pakaia dukiara.

Matiu 25:1

“Baha yua ra, Gâd king aimaki lâka ba lika tiara matawalsip na wal baku kabia, witinka nani ai lampka laya nani brih wan, waitna marit takuya ba yula kahbaia dukiara.

Matiu 25:2

Tila ba wina, matsip ba sinskas kan, bara matsip wala ba lika sinskira nani kata.

Matiu 25:4

sakuna sinskira nani ba lika ai lampka nani bara ai batilka nani lampka laya kira brih wan.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.