Matiu 24:7 - DAWAN BÎLA AISKA

⁷ Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

Matiu 24:7 ပူးပေါင်းရင်းမြစ်များ

2 Kronikas 15:6

Nisan nani bara tawan nani ba pana pana aiklabi slingwi tiwaia kata, kan Dawan bui pâtka nani yaban ba bri kata bamna.

Aiseya 19:2

“Idsip uplika nani ba, ai tila kat mapara buaia daukamna bara kumi bani ai muihni mapara aiklabia, ai uplika nani mapara tawan ba tawan mapara, king tasbaya lâka ba king tasbaya lâka mapara aiklabaia.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Sakaraya 14:13

Baha yua ra Dawan mita upla nani ba sibrin tara ni tayahkbia. Upla kumi bani ai uplika mihta ra alkbia, bara pana pana ai walka mapara ai mihta buki kabia.

Luk 21:11

Tasba nikban tara nani kabia, plun tiwan bara siknis sât sât nani plis ailal ra, bara kasbrika purara diara sibrinkira nani, sain aihka nani sin kabia.

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

Apastil Nani Sturka 2:19

Diara aihka nani kasbrika purara marikamna, bara sain nani sin naha tasbaya ra marikamna: tala, pauta bara tasba ra kiasma mukuska nani.

Hibru Nani 12:27

“Kau aima kumi” bîla nani tânka ba lika latan wisa, Gâd mita paskan dukia nikwi nani ba brih sakan kabia, bara diara nani sip nikras ba ban bâra kabia.

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 6:5

Sîp Luhpia ba sîl yumhpika ba krikan ba ra, diara rayakira walhwal ba wina yumhpika ba naku aisan walri: “¡Man nani bal!” Yang kaikri, bara bahara aras siksa kum kan. Baha purara uli kan ba ai mihta ra paun kum bri kan.

Param Marikanka 6:6

Bara diara rayakira nani walhwal tila ba wina bîla baikra kum naku aisi kan walri: “Plawar kwart kumi mana ba silin kumi, bara barli mâ kwart yumhpa ba silin kumi; sakuna oliv batana laya bara wain ba sin man bui yarka tiwbiara.”

Param Marikanka 6:8

Yang kaikri, bara bahara aras lalahni kum kata. Baha purara uli kan ba nina Prura. Bara baha ninara pruan nani tasbaya wina ba aula kan, witin nani ra karnika yan kan tasba mânka walhwal ba wina mânka kumi ba purara karnika alkaia, bara war daukaia, plun tiwan nani sin bri balaia, siknis nani bara tasba daiwra wail nani ni sin bri balaia upla ikaia.