Matiu 24:49 - DAWAN BÎLA AISKA

⁴⁹ alba wala nani ra mahka rausauhkuya, bara laya saura dadira nani aikuki plun pibia bara diara dibia,

Matiu 24:49 ပူးပေါင်းရင်းမြစ်များ

Sins Lâka 23:20

Wain dadira nani tilara aikuki kapara, upan papira gridikira nani tilara sin apia.

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Isikiel 34:3

Man nani tialka laya disma, taya ba wal dimaikam daukisma, bara ikisma sîp kau batana nani ba, kuna sîp nani ba lika main kaikras.

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Matiu 18:28

“Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 24:48

Sakuna baha albika ba saura kaka, bara ai kupia ra luki ai dawanka ba wihka takaskisa wisi,

Matiu 24:50

bara ai dawanka bîla kaikras pali yua ra balbia, awarka sin kaikras kaka;

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Jan 2:10

bara naku win: —Upla nani sut ba, wain pain ba pas tâura uplika nani paiwan ra yui dakakisa, bara baha nani manis din bâra lika, wain karna apia ba dakakisa. Sakuna man lika, wain kau pain ba alki takaskram bara nanara kat sakisma.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Pita 5:3

Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.

Judas 1:12

Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.

Param Marikanka 13:7

Witin ra sin yan kan, Gâd uplika nani mapara war daukaia, sut pura lubia ba kat; bara karnika yan taika bani purara, upla nani ba purara, bîla sât sât aisi ba purara, bara nisan sât bani purara sin.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’