Matiu 24:39 - DAWAN BÎLA AISKA

³⁹ bara witin nani ai dara walras kan, lisamra tara ba bal sut brih wan ba kat. Upla Luhpia Waitna balbia piua sim baku kabia.

Matiu 24:39 ပူးပေါင်းရင်းမြစ်များ

Blasi Sturka 7:23

Baku sika tasba purara rayaka bri nani kan ba, sut sauhki tikan ba: upla nani, daiwan sâtka bani, ai biara purara kwasi nani ba, bara tnawira nani pâli ba sut, tasba wina baha nani âpu daukan. Bara Noa baman takaskan, daiwan nani witin wal ark watla ra diman kan nani ba sin takaskan.

Sins Lâka 23:35

bara man wima: “Ai prukan sa bara latwan kaikras, ai wipan kuna daihra walras kapri; sakuna yang kli kupi krawbia ba ra, kau ban baha wainka ba pliki kamna.”

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 29:7

Upla kasakkira lika, umpira uplika nani lâ dimi ba dukiara uya lukisa, sakuna upla watawikira lika, ai kupia wiria sin lukras.

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 24:3

Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win: —Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 24:37

“Noa yua nani ra pât takan ba baku takbia, Upla Luhpia Waitna kli balbia ba ra.

Matiu 24:40

Baha piua ra waitna wâl insla ra kabia; kum ba brih wan kabia, wala ba lika swin kabia.

Luk 19:44

bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Jan 3:20

Saura dauki uplika nani ba sut ingni ra misbara kaikisa, bara ingni lamara sin balras, witin nani saura dauki ba param sâkbia sîa.

Apastil Nani Sturka 13:41

‘Man nani, lawaska kakikra nani sma ba, kaiks, tâ iwan taki si mahka prui banhs; man nani yuam ra baha sât dukia nani daukamna ba sip kasak luki banhma apia, upla kasak mita mai smalkbia sin.’ ”

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.

Wihta Nani 20:34

bara witin nani tawan ba mapara aiklaban, 10,000 aiklaklabra nani kau pain kan ba Guibeá mapara aiklaban. Aiklabanka ba karna aiklaban kan, Benjamín kiamka nani ba lukras kan witin nani ba pat lus tiwuya ba.