Matiu 23:8 - DAWAN BÎLA AISKA

⁸ “Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma.

Matiu 23:8 ပူးပေါင်းရင်းမြစ်များ

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 23:10

Tâ uplika nani sin mai mâki banhbiara, kan Misaya ba baman sika tâm uplika ba sa.

Matiu 23:7

Witin nani plikisa yabal ra upla nani ba mita witin nani ra tara kulki ai lakula daukbia bara smasmalkra nani wibia.

Matiu 26:25

Bara Judas, witinka ai waihla mihta ra mangki kan ba aisi, win: —Smasmalkra, ¿baha ba yang sna ki? Jisas bila: —Âu, man sika.

Matiu 26:49

Bara witin Jisas lamara bal, win: —¡Naksa, Smasmalkra! Bara witin ra kiawalan.

Mark 10:51

Bara Jisas witin ra makabi walan: —¿Dîa want sma yang bui man ra mai daukamna? Blain ba witin ra wisata: —Smasmalkra, yang diara kaikaia want sna.

Mark 11:21

Ba kat Pita ai kupia krawan, bara Jisas ra win: —Smasmalkra, kaikram, kwah dusa lahtubatma ba pat lâwan sa.

Mark 14:45

Bara Jisas lamara bal, win: —¡Smasmalkra! Bara witin ra kiawalan.

Mark 9:5

Bara Pita Jisas ra win: —Smasmalkra, ¡pain sa yawan nahara kaia! Kaisa yawan utla sirpi yumhpa mâkaia: Man dukiam kumi, Moses dukia kum, wala Ilayas watla.

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Jan 1:38

Bamna Jisas ai ninara tawi kaikan, baha nani ai nina bliki kan ba ra naku wisata: —¿Dîa pliki banhwisma ki? Witin nani bila: —Smasmalkra, ¿anira takaskisma ki?

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 11:8

Disaipil nani mita pana win: —Smasmalkra, bisi pali baha sim pliska ra Ju nani mita walpa ni sabi mai ikaia mai munata, ¿bara man kli bahara waia lukisma ki?

Jan 20:16

Jisas mita win: —¡Meri! Meri Magdalin tawi, Hibru bîla ra win: —¡Rabuni! (baha bîla tânka ba lika “Smasmalkra”).

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 3:26

Bamna baha nani Jan ra wih maisa pakan: —Smasmalkra, kaiks baha uplika man wal kata ba, Jordan lalmika ra, witinka dukiara man wan wisatma ba, nanara upla tahbi daukisa bara manis sin ai nina blikisa.

Jan 4:31

Kau aidrubi balras kan ba ra, disaipil nani Jisas ra win: —Smasmalkra, plun wiria pan pis.

Jan 6:25

Witin nani lakun baila wala ra lui wan ba ra, Jisas wal prawan. Bara witin ra makabi walan: —Smasmalkra, ¿ahkia man nahara balram ki?

Jan 9:2

Bara ai disaipilka nani ba mita, witin ra makabi walan: —Smasmalkra, ¿dîa kan naha waitnika na blain aisubi takan ki? ¿Dîa ai aisika nani saurka ba mita, apia kaka witin ai saurka ba mita ki?

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Epesus 3:15

witinka ba wina upla sut kiamka ba ai nina brisa, kasbrika purara bara naha tasba ra sin.

Pilimon 1:16

alba baku lika apia, kuna alba wal kau pain kulkan lâka ra, baha tânka lika, wan muihni latwankira baku lâka ra. Yang bui witin ra uya latwan kaikisna, kuna man pali bui lika kau latwan kaikaia sma, alba baku baman apia, kuna Dawan lâka ra wan muihni baku.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.

1 Pita 5:3

Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”