Matiu 23:16 - DAWAN BÎLA AISKA

¹⁶ “¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’

Matiu 23:16 ပူးပေါင်းရင်းမြစ်များ

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 23:17

¡Sinskas diara kaikras tara nani! ¿Dîa ba kau tara sa: gul ba, apia kaka tempel ba, baha mita gul holikira dauki ba?

Matiu 23:19

¡Diara kaikras sinskas tara nani! ¿Dîa ba kau tara sa: prisant ba, apia kaka altar ba, baha mita prisant ba holikira dauki ba?

Matiu 23:24

¡Man nani, tâ uplika diara kaikras nani, brabra lupia diaikam wina singbi sakisma, sakuna kiamil tara kum langkisma!

Matiu 23:26

¡Man parisi diara kaikras: kâp bara plit ba bîla tani ba pas klin dauks, bara baku lika pura tani ba sin klin kabia!

Galesha 5:3

Bara kli sin aisisna, ani uplika Aisa sainka ai wîna ra daukisa kaka, witin Moses lâka aiska daukaia sa.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.