Matiu 22:4 - DAWAN BÎLA AISKA

⁴ Alba wala nani blikan, naku wisi: ‘Paiwan uplika nani ra wis, plun ba pat ridi sa. Bîpki nani bara daiwri batanira nani pat ikri, bara diara sut ridi sa; man nani marit pata ra bal.’

Matiu 22:4 ပူးပေါင်းရင်းမြစ်များ

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Sins Lâka 15:17

Kanra yamni sa, dus mâ nani man piaia, latwan lâka bâra kaka, wihki bîp wîna piaia misbara bâra sa kaka.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Matiu 21:36

Dawanka ba kainara blikata purkara kau alba nani blikan; sakuna warkka tatakra nani sut ra sim sât munan.

Matiu 22:5

Sakuna paiwan uplika nani lika bîla walras. Kum ba ai nasla ra wan, wala ba ai bisniska ra,

Matiu 22:8

Baha ningkara, ai albika nani ra win: ‘Marit pata ba pat ridi sa, sakuna paiwri uplika nani ba lika balaia aitani apia kan.

Luk 14:17

Tutni pata tara ba ridi kan, ai albika blikan paiwan uplika nani ra wiaia: ‘Man nani bal, diara sut ridi sa bamna.’

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?