Matiu 22:30 - DAWAN BÎLA AISKA

³⁰ Pruan nani kli bubia ba ra, witin nani marit takbia apia, ai luhpia mairin nani sin marit sâkbia apia, kan witin nani ba lika Gâd insalka nani kasbrika purara ba baku kabia.

Matiu 22:30 ပူးပေါင်းရင်းမြစ်များ

Lawana Nani 103:20

¡Dawan ba yamni pali sa, insal karnakira nani, mayuns! Man nani ai adarka kat daukisma ba, ai bîla wali daukisma nani ba.

Sakaraya 3:7

“Karnika sut alki bri ba Dawanka, naku aisisa: ‘Yang yabalki nani kat wapi bas, bara diara sut mai wisatna ba kat dauks. Baku daukma kaka, puri sunaia watla ba mihtam ra ban kabia. Baha watla bîla lâka nani ba aihwaki kaiki kama kaka, naha insalka nani, yang duki dauki ba tilara wark kum daukaia mai mangkamna.

Matiu 13:43

Bara Gâd bîla wali dauki nani ba, ai Aisa king aimaki tasbaya ra lapta baku ingwan kabia. Man nani kiamam brisma kaka, wali banhs.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 22:31

Sakuna pruan nani kli buaia tânka ba dukiara lika, ¿Gâd pali mita man nani ra mai win ba kau aisi kaikras sma ki? Naku wisa:

Matiu 24:38

Baha yua nani ra, lisamra tara ba kainara, upla nani ba plun baman pi kan, diara di kan, marit taki kan, ai luhpia mairin nani marit saki kan, Noa ark ra diman yua ba kat;

Luk 17:27

Witin nani plun pi kan, diara di kan, marit taki kan, ai luhpia mairin nani sin marit saki kan, Noa ark watla ra aimakan piua ba kat; bamna lisamra balan ba ra, baha nani sut pruan.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.