Matiu 21:43 - DAWAN BÎLA AISKA

⁴³ Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Matiu 21:43 ပူးပေါင်းရင်းမြစ်များ

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Matiu 12:28

Sakuna yang lika Gâd Spiritka karnika mita pirit saura nani kangbi sakisna, bara baha mita latan sa Gâd king aimaki lâka ba pat man nani ra balan sa.

Matiu 21:41

Witin nani bila: —Baha waitnika saura nani ra umpira kaikras pali sut ikbia, bara nasla ba wark tatakra wala nani mihta ra mangkbia, bara baha nani lika dâkaia piua ra ai nasla mana ba witin ra yabia.

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Matiu 21:44

Bara ya ya walpa ba purara kauhbia kaka, pîs pîs ra kriwbia, bara walpaya ba upla kum purara kauhbia kaka, witinka yuya baman daukbia.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.