Matiu 21:34 - DAWAN BÎLA AISKA

³⁴ Dâkaia piua balan ba ra, ai albika kum kum blikan nasla mâ wina ai sirka ba wark tatakra nani ra makabaia dukiara.

Matiu 21:34 ပူးပေါင်းရင်းမြစ်များ

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Matiu 21:35

Sakuna wark tatakra nani mita albika nani ba alki, kumi ra prukan, wala ra ikan, bara wala ra lika walpa ni saban.

Matiu 21:38

Sakuna wark tatakra nani ba luhpia ba kaikan ba ra, ai mânka naku aisan: ‘Naha sika diara nani na dawanka kabia; kaisa witin ba ikaia, bara diara nani na yawan briaia.’

Matiu 21:40

Bara Jisas makabi walan: —Bamna nasla dawanka ba balbia ba ra, ¿baha warkka tatakra nani ra dîa munbia?

Matiu 21:41

Witin nani bila: —Baha waitnika saura nani ra umpira kaikras pali sut ikbia, bara nasla ba wark tatakra wala nani mihta ra mangkbia, bara baha nani lika dâkaia piua ra ai nasla mana ba witin ra yabia.

Matiu 22:3

Ai albika nani blikan, paiwan uplika nani ba marit pata ra balbia wiaia, sakuna witin nani balaia apia win.

Mark 12:1

Bamna Jisas witin nani ra maprika bîla nani ni mahka smalkan, bara naku aisin: “Waitna kum kan, witin ai nasla ra wain dusa mangkan; bara kir klar kutban, wain laya taibi sakaia pliska kum daukan bara tawer kum bukan, diara sut ba pain aihwakbia wisi. Ningkara, nasla ba wark tatakra nani mihta ra mangki si, witin kuntri wala ra impakan.

Mark 12:7

Sakuna wark tatakra nani ai mânka naku aisin: ‘Naha sika diara nani na dawanka kabia; bamna kaisa witin na ikaia, bara diara nani ba yawan dawanka takaia.’

Mark 12:9

Bara Jisas makabi walan: “¿Bara dîa lukisma man nani daukbia wain nasla dawanka ba? Witin bal baha wark tatakra nani sut ikbia, bara nasla ba upla wala nani ra yabia.

Luk 20:9

Ningkara, Jisas bui upla nani ra naha maprika lilka sturka na win: “Waitna kum bâra kan, witin ai nasla ra wain mâ mangki si, ai warkka uplika nani mihta ra swi si, plis laihura impaki wan, bahara sin piu wihka takaskan.