Matiu 21:19 - DAWAN BÎLA AISKA

¹⁹ Yabal tnaya ra witin kwah damni dusa kum kaikan, sakuna dusa ra diara kumi sin sakras, wahia nani baman. Bara Jisas dusa ra win: —¡Ban kaia ra man kli mâ brima apia! Baha sim pali piua ra, kwah damni dusa ba lâwan.

Matiu 21:19 ပူးပေါင်းရင်းမြစ်များ

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Jirimaya 8:13

Dawan kasak aisisa: “Plawar mâ klaki baku upliki nani ba klakaisna, wain mâ kumi sin kiwka ra swibia apia, kwah mâ kumi sin dusa ra swibia apia. Wahia lâwan nani baman bâra kabia.”

Matiu 21:20

Disaipil nani baha kaikan ba ra, tâ iwan, bara Jisas ra makabi walan: —¿Nahki kan kwah damni dusa ba baha pali piua ra lâwan?

Mark 11:14

Bara Jisas kwah dusa ra aisi, naku win: —¡Ban kaia ra, upla kumi sin man wina mâ pibia apia! Bara ai disaipilka nani baha walan.

Mark 11:20

Yu wala titan witin nani luan bara kaikan, kwah dusa kata ba ai playka wina sut lâwan kan.

Luk 3:9

Asa ba pat ridi sa dus nani klakaia, bamna dus bani mâ pain sakras ba klakan kabia, pauta ra sin lulkka ambia.”

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 15:6

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Judas 1:12

Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.

Param Marikanka 22:11

Bara baha ba kau bamna, swis saura dauki uplika ba ai saurka ban dauki kabia, tâski dauki uplika ba ai tâskika lâka ba ban dauki kabia; sakuna upla kasakkira ba kasakka lâka ba ban dauki kaia sa, bara upla holikira ba Gâd ra ban kasak kabia.”