Matiu 20:8 - DAWAN BÎLA AISKA

⁸ “Tihmia iwan ba ra, insla dawanka ba wark pura kakaira ra win: ‘Wark tatakra nani ba paiwi, ai mana ba yas; lâs ra balan ba wina aibaps, tâura balan ba lâs ra aibaps.’

Matiu 20:8 ပူးပေါင်းရင်းမြစ်များ

Blasi Sturka 15:2

Bara Ebram pana aisi, win: —Dawan Gâd, ¿man maina tara aikma ba yang ra dîa hilpka kabia, man kaikisma luhpi nani âpu sna na? Man luhpa kum sin yang ra aikras sma na, prapatiki nani sut dawanka kaia ba lika albiki kum brisna, nina Eliézer Damaskus wina ba kabia.

Blasi Sturka 43:19

Bamna witin nani utla durka dimaia lama kat wan ba ra, utla bîla wihtka ba lamara wan, sturi aisaia,

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Matiu 20:7

Witin nani pana win: ‘Upla kumi sin wark takaia wankras ba mita.’ Bara witin baha nani ra win: ‘Man nani sin naisla ra wark takaia was.’

Matiu 20:9

Bara tutni 5 aklak wark takaia diman nani ba balan, bara kumi bani ai mana brin, yu aiska mana dîa aibapi kan ba.

Matiu 25:19

“Piua wihka luan ba ra, baha albika nani dawanka kata ba balan, bara witin nani wal mahka kulkan.

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Luk 10:7

Sim watla ra takaski banhs, witin nani dîa maikbia ba pis bara dis; kan wark uplika ba ai mana briaia sa. Utla kumi wina wala ra wapara.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Luk 8:3

bara Cuza maya mairin ai nina ba Juana, waitnika ba lika Herod watla ra klark kata; wala ba Susana, bara mairin wala nani sin uya; witin nani lika Jisas ra bara disaipil nani ra dîa diara bri kan ba wina hilp muni kata.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Kli Smalkanka 24:15

Kau lapta ulras kainara wark takan ba mana aibaps, kan umpira sa bara nit sa, baha lalahka raya kaia dukiara. Man nani mampara aisi Dawan ra makabia kaka, pâtkam ba saurakira mai kulkbia.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

Rut 2:6

Bara pura kakaira ba witin ra win: —Witin sika Moab mairka, Noemí wal baha tasbaya wina balan ba.