Matiu 20:28 - DAWAN BÎLA AISKA

²⁸ Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 20:28 ပူးပေါင်းရင်းမြစ်များ

Job 33:24

Witin ra umpira kaiki, Gâd ra wibia: “Prura wina swaki sâks, witin pura mana aibapaia ba sakri sa bamna.”

Lawana Nani 49:7

Sakuna upla kumi sin sip yakan ai wîna swaki sakras, purkara sin Gâd ra lalah ni aibapka swaki sâkbia apia.

Aiseya 53:5

Sakuna witin ba rausauhkan kan yawan lika Dawan mapara babura nani takan tâka mita, wipan, ai taya klungwan yawan wan saurka nani ba tâwan; yawan ra wan kupia kumi lâka ba wankaia klalka ba witin purara sunan, witin ai wîna sukwanka nani ba mita yawan nani wan rakan.

Aiseya 53:8

Witin pât âpu pali kan silak watla ra mangkan bara upla kum sin âpu kan witin tâwan aisaia; upla kumi sin witin dukiara dîa takbia ba lukras kan. Naha tasba wina upla nani ba mita daiki sakan, upliki nani saurka ba mita witin ra ikan.

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Matiu 20:27

bara ya ya man nani tilamra tâura kaia lukisa kaka, wala nani albika takaia sa.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Mark 10:45

Kan Upla Luhpia Waitna ba sin balras upla mita dukia daukbia dukiara, sakuna upla dukia daukaia, bara rayaka sin yaia, upla ailal swaki sakaia ba mata.

Mark 14:24

Bara witin nani ra win: —Naha na yang tâilia sa, lâ daukan ba, bara upla ailal dukiara laikan sa.

Luk 22:27

Bamna, ¿ya ba kau tara kulkan sa ki, witinka tibil ra iwi plun piaia ba, apia kaka, plun tibil ra iwi ba? ¿Kasak apia witinka tibil ra iwi ba? Sakuna yang lika man nani tilamra sna, sim dukia dadaukra baku.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

Hibru Nani 5:8

Baku Kraist ba Gâd Luhpia kan sakuna, witin pât wahwan, bîla wali dauki lan takan.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;