Matiu 2:6 - DAWAN BÎLA AISKA

⁶ “Bamna man, Betlehem, Juda tasbaya ra, Juda wihtka nani tilara man ba kau sirpi pali apia sma, kan man wina wihtka tara kum takbia, bara witin mita upliki Israel luhpia nani ba tâ bri kabia.”

Matiu 2:6 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 Kronikas 2:51

Salmá, Betlehem aisika; bara Haref, witin lika Bet-gader aisika.

Esdras 2:21

Betlehem kiamka ba wina, 123.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Kulki Kaikanka 24:19

Pura lalura kum Jekob wina bal takbia, bara tawan ra kau takaskan nani ba sut âpu daukbia.”

Matiu 2:1

Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan,

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Jan 21:16

Kli Jisas aima wala makabi walan: —Saiman, Jan luhpia, ¿latwan ai kaikisma ki? Pita pana win: —Âu, Dawan, man kaikisma nahki yang bui man ra latwan sna ba. Jisas mita win: —Baku sa kaka, sîpki nani ba main kaiks.

Jan 7:42

Ulbanka ba wisa Misaya ba king Debit kiamka wina kaia sa, bara sin Betlehem ba wina kabia, baha sim pliska ba sika Debit Tawanka ba.

Epesus 1:22

Diara sut ba Kraist mina mununhtara mangkan sa, bara Kraist pali ba sin serts lal mangkan diara nani sut Dawanka baku.

Kolosi 1:18

Baha sut purkara, Kraist ba wîna tara ba lal sa, baha sika serts ba. Witin sika naha wîna tara ra raya kaia lâka yabi ba; witin ba tâ pali wina ban bâra ba, Kraist ba pas pruan nani wina buan ba, baha mita diara nani sut tâura witin sa.

Hibru Nani 7:14

Upla sut kaikisa, wan Dawan ba Juda taika wina takan, bara Moses ba prîs nani dukiara aisin ba ra, naha taika dukiara diara kum pan aisaras kata.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 2:27

Aisiki mita yang ra karnika aikan ba baku; bara baha nani kriki tikbia sim sumi nani slaubla ni paskan kan kriki tiki ba baku.

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”