Matiu 2:4 - DAWAN BÎLA AISKA

⁴ Bara king mita paiwan prîs wihtka nani, Lâ Smasmalkra nani, bamna baha nani ra makabi walan Misaya ba anira aisubi takaia kan sapa.

Matiu 2:4 ပူးပေါင်းရင်းမြစ်များ

2 Kronikas 34:15

Bara minitka ra Hilquías mita sturi âiulbra Safán ra win, Dawan lâka ulban wauhkataya ba tempel watla ba wina sakan, bara Hilquías mita sturi âiulbra Safán ra lâka ulban wauhkataya ba yaban bara aisi kaikan.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Esdras 10:5

Bamna Esdras lika ai mina ra bûi, prîs bara Libait nani ra, baku sin Israel uplika nani sut ra sin win ai pramiska ba daukbia sapa, bara witin nani ai pramiska daukaia âu takan.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Nihimaya 12:7

Salú, Amoc, Hilquías, bara Jedaías. Naha nani sika prîs nani wihtka ba, bara ai muihni nani aikuki, Jasua yua nani ra.

Lawana Nani 2:2

Tasba kingka nani bara wihta nani sut ba, Dawan mapara witin nani buisa, baku sin ai kingka bâk sakan ba mapara.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Matiu 2:3

King Herod naha walan, witin bara Jerusalem uplika nani aiska kira sin sibrin takan.

Matiu 2:5

Witin nani bila: —Judia tasbaya ra, Betlehem tawanka ra; kan prapit bui naku ulban sa:

Matiu 21:15

Sakuna prîs wihtka bara Lâ Smasmalkra nani lawan sain nani aihka daukan ba kaiki, bara tuktan nani tempel ra naku wini kan ba walan: “¡King Debit Luhpia ra Prana Tara Kabia!”

Matiu 21:23

Jisas tempel ra diman, bara baha ra smalki kan, prîs wihtka nani bara Ju wihtka almuk nani ai lamara balan, bara witin ra makabi walan: —¿Dîa karnika ni naha dukia nani daukisma? ¿Ya mita naha karnika na maikan?

Matiu 26:3

Bara prîs wihta nani, Lâ Smasmalkra nani, Ju wihtka almuk nani kira, prîs nani wihta tara Keyapas watla latara asla takan.

Matiu 26:47

Kau Jisas aisi kan ba ra, Judas balan, witinka disaipil 12 ba wina kumi kan ba, bara witin wal upla ailal sord nani bara dus nani brih aula kan. Witin nani ba prîs tara nani bara Ju wihta almuk nani mita blikan kan.

Matiu 27:1

Titan baiwan ra, prîs wihta nani sut, Ju wihta almuk nani kira, ai lâka daukan Jisas ra ikaia.

Matiu 7:29

kan witin karnika tara ni smalki kan, Lâ Smasmalkra nani baku lika apia.

Mark 8:31

Bara Jisas mahka smalkan, Upla Luhpia Waitna ba pât kasak wahwaia sa, upla bara almuk nani mita, prîs nani, bara Lâ Smasmalkra nani mita sin lulkan kabia. Witin ra ikbia, sakuna yu yumhpa ra kli bubia.

Luk 20:19

Baha sim piua ra, prîs wihtka nani bara Lâ Smasmalkra nani mita Jisas ra alkaia luki kan, witin nani kaikan baha maprika lilka aisin ba lika witin nani ai mapara kata, sakuna upla nani ra sibrin luki banhwi kan.

Luk 23:10

Baku sin bahara kata prîs tara nani bara Lâ Smasmalkra nani, bara witin nani karna pali ai dahra saki aisi kata.

Jan 18:3

Bamna Judas baha giadinka ra wan, suldiar daknika kum, bara tempel main kakaira kum kum sin aikuki; baha ba prîs wihtka nani bara parisi nani mita sin blikan kan. Witin nani aiklabaia dukia nani, lamp nani, bara awas angki sin brih wan.

Jan 3:10

Jisas pana win: —Man ba sika, Israel smasmalkra tara kum sma, ¿bara naha diara nani na tânka sip briras sma ki?

Jan 7:32

Parisi nani walan upla nani Jisas dukiara dîa aisi kan ba; bamna witin nani bara prîs wihtka nani mita tempel ba wina suldiar nani saki blikan, Jisas ba priski brih waia.

Jan 8:3

Baku mika Lâ Smasmalkra nani bara parisi nani mita, mairin kum marit lâka sauhki kan ba alki brih balan. Bara mairka ba baha nani bâra kan ba lilapas kat yan buan,

Apastil Nani Sturka 23:9

Sut ba wini banhwi kan; bamna parisi daknika tila ba wina Lâ Smasmalkra tila nani sin buan, bara win: —Naha waitnika na diara saura kumi sin daukras, ban kra spirit kum, apia kaka insal kum sapa witin ra aisin.

Apastil Nani Sturka 4:5

Yu wala ra Ju wihtka nani, almuk nani bara Lâ Smasmalkra nani sut Jerusalem ra asla takan.

Apastil Nani Sturka 6:12

Naku ni almuk nani bara Lâ Smasmalkra nani ba sut sinska aihka laki banhwan, bamna witin nani mita Stiben ba alki lâ wihtka tara nani mawanra brih wan.