Matiu 2:23 - DAWAN BÎLA AISKA

²³ Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Matiu 2:23 ပူးပေါင်းရင်းမြစ်များ

Kulki Kaikanka 6:13

“Bamna Nasariu ba ahkia kat ai piua ba danh takaia win ba, baha piua ba aimakbia ba ra tint watla dimaika ra balbia.

Matiu 1:22

Naha sut na takan, Dawan mita ai prapitka bâk aisin ba aiska daukaia dukiara:

Matiu 21:11

Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Matiu 26:71

Pita pat dur lamara auya kan ba ra, alba mairin wala kum mita kaiki, bahara kan ba ra win: —Naha waitnika sin Jisas Nasaret wina ba wal tauki kan.

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Mark 1:9

Baha yua nani ra, Nasaret tawanka wina Jisas taki wan, baha ba Galili kuntrika ra sa. Bara Jan mita Jordan awala ra tahbi sakan.

Luk 1:26

Kati 6 alkan ba ra, Gâd mita insal Gabriel ba saki blikan, Galili tawanka kumi nina Nasaret wi ba ra,

Luk 18:37

Upla nani mita win, Jisas Nasaret wina ba bahak lui auya sa.

Luk 2:39

Dawan lâka ra dîa mangkan ba sut dauki tnata alkan ba ra, witin nani ai tawanka pali Nasaret ra balan, baha ba Galili tawanka ra sa.

Jan 18:5

Baha uplika nani ba bila: —Jisas Nasaret wina ba. Jisas mita pana win: —Baha ba yang sika. Judas, witinka mita Jisas waihla mihta ra mangkan ba sin baha nani wal kata.

Jan 18:7

Bamna Jisas kli makabi walan: —¿Man nani ya plikisma ki? Witin nani bila: —Jisas Nasaret wina ba.

Jan 19:19

Bamna Pailat mita wauhtaya kum ulbi, Jisas dusa prihni purara mangkan, bahara naku ulban kata: “Jisas Nasaret wina, Ju nani Kingka ba.”

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Wihta Nani 13:5

man luhpa waitna kumi brima, bara witin tâwa ba klakpara, kan baha tukta waitna ba aihka sakan kabia Dawan warkka daukaia, Nasariu baku witin baiki sâkma ba wina pat tâwa ba yari kabia Dawan mihta ra pat mangkan kabia. Witin sika Israel luhpia nani ba filisteo nani mihta wina dakbi pri sakaia ba.”

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”