Matiu 2:2 - DAWAN BÎLA AISKA

² bara makabi walan: —¿Anira sa Ju nani kingka aisubi takan ba? Yang nani ai slilmika laih lalma ra kaikri, bara nahara balri witin ra luli kriki mayunaia.

Matiu 2:2 ပူးပေါင်းရင်းမြစ်များ

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 45:11

kan king ba sika man pramna ba kaikan daukisa, witin ba sika man Dawankam, man bui witin bîla walaia sma.

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 30:9

Witin nani bui yang warkki daukbia, ai Dawanka bara ai Gâdka sna, bara Debit ra, yang mita king mangkamni.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kulki Kaikanka 24:17

Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.

Matiu 2:3

King Herod naha walan, witin bara Jerusalem uplika nani aiska kira sin sibrin takan.

Matiu 21:5

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

Matiu 27:11

Jisas ba wihta tara mawanra brih wan kata, bara baha mita witin ra makabi walan: —¿Man ba Ju nani kingka sma ki? Jisas bila: —Baku sa, man aisaram ba kat.

Luk 19:38

Naku aisi banhwi kan: —¡Yamni kabia Dawan nina ra aula kingka ba! ¡Kasbrika purara kupia kumi lâka bara prana ba laih purara sa!

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 23:3

Bara Pailat mita makabi walan: —¿Man sma ki Ju nani Kingka ba? Jisas pana win: —Man aisaram ba baku sa.

Luk 23:38

Wauhtaya kumi ulbi witin lal purara mangkan kata ba ra baha ba naku kata: “Naha sika Ju nani kingka.”

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 12:13

Bamna dus wahia nani klaki brih taki wan Jisas wal prawaia, naku sin witin nani wini kata: —¡Mayunra! ¡Yamni pali sa, witinka Dawan nina brih aula ba, yamni pali sa Israel Kingka ba!

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 19:19

Bamna Pailat mita wauhtaya kum ulbi, Jisas dusa prihni purara mangkan, bahara naku ulban kata: “Jisas Nasaret wina, Ju nani Kingka ba.”

Jan 20:28

Tamas mita pana win: —¡Yang Dawanki bara yang Gâdki!

Jan 5:23

Baku mika, upla sut mita Aisa ra mayunra yabi ba baku, Luhpia ra sin mayunbia. Ya luhpia ra mayunras ba, Aisa ra sin mayunras sa, witinka bui sika ai Luhpia blikan ba.

Jan 9:38

Bara waitnika ba Jisas mawanra ai lula kriki, win: —Kasak lukisni, Dawan.

Hibru Nani 1:6

Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”