Matiu 2:13 - DAWAN BÎLA AISKA

¹³ Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”

Matiu 2:13 ပူးပေါင်းရင်းမြစ်များ

1 King Nani 11:17

Sakuna Hadad ba plapan witin aikuki, Edom uplika nani, ai papika albika nani kan ba kum kum sin. Witin nani Idsip ra wan; baha piua ra Hadad ba kau tuktan sirpi kan.

1 King Nani 3:5

Bara Gabaón ra tihmia kumi yaprisauhkan ra Dawan Salaman ra latan takan, bara win: “Dîa want sma ba makas, bara yang maikamna.”

Job 33:15

Piua kum kum ra tihmia ra daukisa, yapan kumi ra, apia kaka, diara aihka kaikan ra upla nani sut yapi ba piua ra, yapan mita wan pura lui ba piua ra.

Job 33:17

wark saura nani ba swibia dukiara, praut lâka ba mapara kaina manis aihwaki kaia.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Matiu 1:20

Naha luki kan ba ra, Dawan insalka kum yaprisauhkan ra latan taki, naku win: “Josep, Debit kiamka sma ba, man Meri ba mayam briaia si bripara, ai luhpia bribia ba lika Spirit Holikira karnika wina sa bamna.

Matiu 10:23

Tawan kum ra man nani ra ninam bliki rau mai sauhkbia kaka, wala ra plaps; kan kasak pali mai wisna, Upla Luhpia Waitna ba balbia kau man nani Israel tawanka aiska ra waras ba ra.

Matiu 2:12

Bara yaprisauhkan ra witin nani ra maisa pakan kan Herod ra kli waia apia, bara yabal walak ai tasbaya ra tawi wan.

Matiu 2:14

Bara Josep bûi, tihmia pali tukta ba ai yaptika wal brih, aikuki Idsip ra impakan.

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Matiu 2:22

Sakuna Josep walan Herod luhpia waitna Arquelao ba Judia ra ai aisika watlika ra king aimaki kan, bara bahara waia sibrin daukan. Bara yaprisauhkan ra maisa pakan ba ra, witin Galili tasbaya ra wan.

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 10:7

Baha ningkara, insal witin wal aisi kata ba mahka wan ba ra, Cornelio mita ai albika wâl winan, bara suldiar kum sin Gâd ra sibrin luki kan ba, yu bani witin wal kan ba.

Apastil Nani Sturka 12:11

Pita baha kat ai dara walan, bara win: “Nanara daira walisna baha ba kasak pali sa, Dawan mita ai insalka blikan, Herod mihta wina swaki ai sakaia, bara Ju nani dîa ai munaia luki kan ba wina sin.”

Apastil Nani Sturka 12:7

Tisku pali kan, Dawan insalka kum balan, bara silak watla ba ingni pali takan. Witin Pita tnaya mina ra tuski bara tatukbi, win: “¡Man aihni pali mahka bus!” Baha sim pali piua ra Pita mihta ra sîn kata ba tasba ra kauhan.

Apastil Nani Sturka 16:36

Bara silak watla main kakaira ba Pal ra win: —Wihta nani wina adar aikan sa man nani mai lanhkamna, bamna nanara man nani sip sma liliakira mahka taki waia.

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

Apastil Nani Sturka 7:19

Naha kingka mita wan taya nani ra kunin munan, bara wan damika nani ra sin rau pali munan, ai luhpia nani nan aisubi sakuya bani ba lulki swika prubia.

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”

Jasua 3:17

Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 4:10

Prîs nani Dawan lâka auhbaia watla ba twilki Jordan awala lila kat wih bûi kan ba, Dawan mita sin Jasua ra win, Israel luhpia nani ra win diara nani dauki kan ba. Baha sut ba Moses mita sin pat Jasua ra win baku daukaia. Upla nani ba isti awala ba lui wan,

Jasua 4:18

Prîs nani ba nan lî wina sauhka ra ai mina taiban ba ra, awala laya ba kli wal prak prawan, bara mahka lî ba auban pas kata ba baku.

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.

Param Marikanka 12:4

Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.

Param Marikanka 12:6

Mairka ba lika upla iwras tasbaya ra plapan; bahara Gâd bui witin ai pliska kum ridi daukan kan, bara bahara sin yu 1,260 prais, witin ra plun dakaki kabia.