Matiu 19:23 - DAWAN BÎLA AISKA

²³ Bara Jisas bui ai disaipilka nani ra win: —Kasak pali man nani ra mai wisna, lalahkira kum mapa ra karna sa kasbrika purara ba kingka lâka ra dimaia.

Matiu 19:23 ပူးပေါင်းရင်းမြစ်များ

Sins Lâka 11:28

Ai yuyaka ailal ra luki tniwi ba lika kauhbia, sakuna kasakkira nani lika, dus wahia kura baku pain pâwi kabia.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 18:3

win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Matiu 19:22

Sakuna wahma ba naha walan, sari pali taki mahka wan, witin lalahkira kata bamna.

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Matiu 5:20

Kan yang bui man nani ra mai wisna: kasakkam lâka ba Lâ Smasmalkra nani bara parisi nani daukanka ba wal kau purara apia kaka, Gâd Kingka Lâka ra ban kaia ra dimma apia.

Mark 10:23

Bara Jisas kir tawi kaiki, ai disaipilka nani ra win: —¡Yuyakira nani lika Gâd king aimaki ba lâka prana ra dimaia karna pali sa!

Luk 18:24

Wahma ba sari kan Jisas mita kaiki, naku win: —¡Nahki karna pali sa upla yuyakira kumi Gâd king aimaki tasbaya ra dimaia!

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

1 Korint 1:26

Muihki nani, nanara damra walisma, man nani ba Gâd mai paiwan bara dîa banhwi kapram ba. Tasba tânka mapa ra man nani wina kum kum baman sinskira kapram, bara tila nani baman sin karnika bri upla tara taika nani wiria man katma.

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?