Matiu 19:17 - DAWAN BÎLA AISKA

¹⁷ Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Matiu 19:17 ပူးပေါင်းရင်းမြစ်များ

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Lawana Nani 119:68

Man ba yamni sma, yamni sin daukisma; man lâmka nani ba ai smalks.

Lawana Nani 52:1

Karnakira nani sma ba, ¿dîa kan man nani watawi daukisma ba dukiara aimayunisma? ¡Dawan latwanka lâka ba lika, ban kaia ra ban bâra sa!

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Libait Lâka 18:5

“Lâ nani maikri lâka nani ba alki dauki bas, ani uplika lâika nani alki daukbia ba, raya kabia. Yang sika Dawan.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

1 Jan 4:16

Bamna baku yawan sip kan kaikaia bara kasak lukaia, Gâd mita latwan wan kaikisa. Gâd ba latwan lâka sa; bara ya latwan lâka ra iwi ba lika Gâd ra iwisa, bara pana Gâd lika witin ra iwisa.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!