Matiu 18:9 - DAWAN BÎLA AISKA

⁹ Bara namkra mita maikan saura lâka ra kauhisma kaka, daiki laihura lulks; kan kau pain sa raya kaia ra namkra kum âpu dimaia, bara namkra wâl brih hil pauta ra mai lulkka lika apia.

Matiu 18:9 ပူးပေါင်းရင်းမြစ်များ

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Matiu 18:8

“Baha mita mihtam, apia kaka minam kra mita maikan saura lâka ra kauhisma kaka, klaki dakbi bara laihura lulks; kan kau pain sa raya kaia ra mihtam âpu, apia kaka minam âpu wih dimma, sakuna ban kaia pata klauhan ra mihtam wâl bara minam wâl brih mai lulkka lika apia.

Matiu 19:17

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Matiu 5:29

“Bamna, namkra aihkika ba bui saura ra mai batakisa kaka, daiki muni laihura lulks; kan kau aitani sa wînam tara tâka kum ban tiwbia, bara wînam aiska hil pauta ra mai lulkan kaia lika apia.

Mark 9:47

Bara namkra sin saura ra mai batakisa kaka, daiki lulks; kan kau aitani sa Gâd king aimaki tasbaya ra namkra kumi baman brih dimaia, bara namkra wâl brih hil pauta ra mai lulkan kaia.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.