Matiu 18:31 - DAWAN BÎLA AISKA

³¹ Wark uplika wala nani ba naha kaikan ba ra, sari kasak takan, bara wih kingka ra diara takan ba sut win.

Matiu 18:31 ပူးပေါင်းရင်းမြစ်များ

Blasi Sturka 37:2

Naha uplika nani sika, Jekob kiamka nani ba, bara ai sturka nani ba sin. Josep wahma luhpia mani 17 bri kan ba ra, ai muihni nani aikuki, ai aisika maya wala nani Bilhá bara Zilpá luhpia nani aikuki sin, ai aisika sîpka nani ba twi ra main kaiki kan. Bilhá bara Zilpá ba Jekob lilika nani kan. Bamna Josep ai muihni nani tânka bara daukanka saura nani ba dukiara ai aisika ra dahra saki kan.

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 119:158

Sip bapi buras sna, waihla mihta ra mamangkra nani ba mapara, baha nani man lâmka bîla nani wali daukras.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Matiu 14:9

Naha walan ba ra, king ba sari pali takan; sakuna swer taki aisin kan, bara paiwan uplika nani ba sin baha aisan ba walan kan bamna, adar yan witin ra baha yabia.

Matiu 18:28

“Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 18:30

Sakuna wala ba bila apia win, bara kau ni wih silak ra mangkan, traska ba tak aibapbia ba kat.

Matiu 18:32

Bamna king ba mita wark uplika ba paiwan balan, bara naku win: ‘¡Wark uplika saurkira! Yang traskam ba sut swih tikri, baku makabram bamna.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Luk 14:21

Alba ba kli tawi bal, ai dawanka ra diara nani ba sut wisata. Dawanka ba kupia baiwan, bara ai albika ra wisata: ‘Aihni taki was yabal nani ra, tawan yabal dimi nani ra sin, bara nahara paiwi bri bal upla umpira nani, mina dakwan nani, blain nani bara skahwa nani sin.’

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Roman 12:15

Lilia uplika nani wal liliam bas, bara ini uplika nani ba wal sin ini bas.

2 Korint 11:21

Swiri uya brisni naha mai wiaia kuna, ¡kau yang nani uya pali swapni nani katna baha daukaia! Sakuna upla bisniska dadimra nani ba baku, yang sin tilamku dimuna, upla tanis aisi baku sna kuna.

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.