Matiu 18:28 - DAWAN BÎLA AISKA

²⁸ “Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 18:28 ပူးပေါင်းရင်းမြစ်များ

Nihimaya 10:31

Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.

Nihimaya 5:7

Bamna yang aman luki kaikri bara wihta nani ba bara wark tâ brabrira nani ra sin lawi daukri, witin nani ai taya ai tawanka uplika nani purara nahki wirhika baku kahbisa. Bara baha purkara paiwanka tara kum paiwri upla sut witin nani ra balaia, baha lâka aisaia.

Sins Lâka 28:3

Watawikira ba mita umpira nani ra taibi muni ba, lî karna auhi plun mangkan nani sut tiki ba baku sa.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Matiu 18:27

King ba witin ra umpira kaikan, bara traska ba sut ban swin tiwan, pri sin sakan.

Matiu 18:29

Bara ai tahkia ba ai mawanra ai lula kriki, makaban: ‘¡Wiria bîli kaiks, bara sut mai aibapamni!’

Matiu 20:2

Wark tatakra nani ba aikuki aisi daukan yu kum ra nahki aibapaia ba yabaia, bara baha nani ai nasla ra wark takaia blikan wan.

Mark 14:5

Sip kan lalah mâ 300 pura mana atki, baha ni umpira nani ra hilp munaia. Bara mairka ba mapara ai kupia baiki banhwan.

Mark 6:37

Sakuna Jisas bila: —Man nani mita plun dakaks. Witin nani bila: —¿Yang nani sip sna ki brit lalah 200 atki naha nani sut dakakaia?

Luk 10:35

Yu wala, Sameria waitnika ba mahka waia ra, lalah silin wâl hutil dawanka ra yabi, win: ‘Naha waitnika na main kaiks, bara kau dîa aibapaia kabia ba, yang kli balamna ba ra aibapamna.’

Luk 7:41

Jisas bila: —Lalah lin mamunra waitnika kum ra waitna wâl mita lalah yabaia bri kan. Kumi ba lalah 500 yaia kan, bara wala mita lika lalah 50 baman yaia kan.

Jan 6:7

Bamna Pilip pana win: —Lalah mâ handat wâl brit plun atkbia sin, naha uplika sut na baha wina wiria pan sin pibia apia.

Kli Smalkanka 15:2

“Bara mana aibapaia apia tânka ba naha sa: Upla bani ai uplika ra diara kum kra lin takan kaka, lin takan uplika ba ra traska ba kulkbia apia. Ai uplika ra, apia kaka ai tawanka uplika ra sin aibapaia dukiara taibi munaia apia, kan traska ban swih tikaia manka ra Dawan ra mayunra daukbia piua ra baha aisin kabia.