Matiu 18:10 - DAWAN BÎLA AISKA

¹⁰ “Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:10 ပူးပေါင်းရင်းမြစ်များ

2 Samuil 14:28

Mani wâl bilka ra, Absalón ba Jerusalem ra kan, sakuna king mawanra sip waras kan.

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

Ester 1:14

Baha nani tilara king kau lamara kan nani ba, naha uplika nani kan: Carsená, Setar, Admata, Tarsis, Meres, Marsená, Memucán; naha uplika 7 nani ba wihtka tara nani kan, witin nani ba king kupia krakraukra nani kan, bara Persia wihki Media wina kata, daknika tilara lalka kum kan, bara tasbaya tara wâl ba purara karnika bri kata.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 17:15

Sakuna yang, kasak pali kupi kumi takaskamni, man mamwan kat mai kaikaia mamwanra, rawi buamna bara ai kaikaia.

Lawana Nani 34:7

Dawan ra yamni kulki uplika nani ba, Dawan insalka ba mita kan kahbi, swaki sakisa.

Lawana Nani 91:11

witin ai insalka nani, man ani anira wama ba main mai kaiki kaikbia.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Sakaraya 4:10

“Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Matiu 1:20

Naha luki kan ba ra, Dawan insalka kum yaprisauhkan ra latan taki, naku win: “Josep, Debit kiamka sma ba, man Meri ba mayam briaia si bripara, ai luhpia bribia ba lika Spirit Holikira karnika wina sa bamna.

Matiu 12:20

Yauhrus bulwan kum pan witin krikbia apia, lamp wîkka kiasma saki ba sin daskbia apia, wihta kaia lâka karnika alki bribia ba kat.

Matiu 18:14

Baku sin, man nani kasbrika purara ba, naha sirpiki nani kumi sin tiwbia ba want apia sa.

Matiu 18:6

“Ya ya naha tuktika lupia nani yang ra luki na yarka saura lâka ra kauhbia kaka, kau pain kabia ai nana ra akbaia walpaya kum wilki, kabu tihuka ra lulkka dimi wabia.

Matiu 2:13

Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”

Matiu 2:19

Sakuna Herod pruan ba ningkara, Idsip tasbaya ra Dawan insalka kum yaprisauhkan ra Josep ra latan taki, win:

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Luk 1:19

Insal ba pana witin ra win: —Yang lika Gabriel, Gâd dukia dadaukra ba; witin mita ai blikan naha sturka man ra maisam paki mai wiaia.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 16:22

Yu kumi Lasarus ba pruan, bara insal nani bui brih wan Paradais ra, Ebraham wal kaia. Ningkara waitna yuyakira ba sin pruan, bara bikan.

Apastil Nani Sturka 10:3

Yu kumi tutni 3 aklak kan ra, diara aihka kumi kaikan param pali, nahki Gâd insalka kum witin bâra kan ba kat bal diman, bara win: “¡Cornelio!”

Apastil Nani Sturka 12:15

Bara witin nani bila: —¡Man lika tanis! Sakuna tuktan mairin ba win: —Yang kasak pali mai wisna. Bamna witin nani bila: —Ban kra witin apia, kuna ai insalka.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

Roman 14:10

¿Kuna man, dîa muni muihkam lâka aisi daukisma ki? ¿Dîa muni muihkam ba diara apia baku kulkisma? Yawan sut lika Kraist mawanra buaia sa, witin mita wan lâka aisi daukbia dukiara.

Roman 14:21

Bamna pain sa yawan wîna piaia apia, wain sin diaia apia, bara wan muihni mina prukaia dukia kumi sin daukaia apia sa.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

1 Korint 11:22

¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!

1 Korint 16:11

Baha mita, man nani wina kumi sin witin ba bahki kulkbiara. Sakuna, witin ba hilp muns, ai impakanka ra ai kupia kumi lâka wal ban yang ra balbia; kan witin wan muihni wala nani wal balbia ba, yang bîla kaikisna.

1 Korint 9:22

Kasak lukan lâka mapara swapnikira nani ba aikuki sna piua, swapnikira baku takisna, witin nani ba sin alkaia mata. Wibia kaka, witin nani baku takri sa, baku ban kum kum pan swaki sakaia dukiara.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

Galesha 6:1

Muihki nani, upla kum saurka ra kauhan sa kaka, man nani spiritkira nani sma ba mita saura ba wapni dauks. Sakuna latwan lâka ra daukaia sa; bara kumi bani sin aman kaiki kaia sa, witin pali ra sin traika kaikan kabiara sîa.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.