Matiu 17:9 - DAWAN BÎLA AISKA

⁹ Il ba wina witin nani iwi auya kan ba ra, Jisas mita naku adar yan: —Naha dukia aihka kaikram na upla kumi ra sin man nani aisapara, Upla Luhpia Waitna ba pruan wina kli bubia ba kat.

Matiu 17:9 ပူးပေါင်းရင်းမြစ်များ

Matiu 12:16

bara adar sin yan witin ba ya sapa upla nani ra wiaia apia.

Matiu 17:12

Sakuna yang bui man nani ra mai wisna: Ilayas lika pat balan bara upla nani mita witin ba kaikras, kuna dîa daukaia luki kan ba kat witin ra munan. Baku sin, Upla Luhpia Waitna witin nani mihta ra pât ailal wauhbia.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 17:22

Galili tasbaya ra asla taki ba ra, Jisas witin nani ra win: —Upla Luhpia Waitna ba upla nani mihta ra mangkan kabia,

Matiu 17:23

bara witin ra ikan kabia, sakuna yu yumhpa ningkara, kli bukan kabia. Naha sturka na disaipil nani walan bara sari pali takan.

Matiu 17:8

Witin nani ai nakra bukan ba ra, upla kumi sin kaikras kan, Jisas baman bâra kata.

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Matiu 8:4

Bara Jisas mita witin ra win: —Kaiks, upla kumi ra sin wipara, sakuna wih prîs ra wînam mariks, bara Moses win ba baku prisantkam yas; baku mika upla nani kaikbia pat rawram ba.

Mark 8:30

Sakuna Jisas adar yaban upla kumi ra sin wibia apia.

Luk 8:56

Aisika bara yaptika wal lika tâ iwan kan; sakuna Jisas adar yan upla kumi ra sin diara takan ba wibia apia.

Luk 9:36

Baha bîla baikra walan ba ningkara, kaikan Jisas yakan kan. Witin nani diara kaikan ba baha piua ra yukuki bri kan, upla kumi ra sin wiras kata.