Matiu 17:4 - DAWAN BÎLA AISKA

⁴ Bara Pita mita Jisas ra win: —Dawan, pain kabia yawan nahara takaskaia. Man want sma kaka, yang utla yumhpa mâkamna, man wamtla kum, Moses watla kum bara wala lika Ilayas watla.

Matiu 17:4 ပူးပေါင်းရင်းမြစ်များ

Lawana Nani 16:11

Raya kaia yabalka man mairikma. Man lamamra lilia tara bâra sa; man mihtam aihkika ra lilia pain nani ban kaia ra bâra sa.

Lawana Nani 4:6

Upla ailal wisa: “¿Ya yawan ra lilia lâka wan marikbia?” ¡Dawan, namkra ra yang nani ra pain ai kaiks!

Aiseya 33:17

Man namkra nani king ba kaikbia, witin ai prana ra iwi ba; namkra nani baha tasbaya laihura ba kaikbia.

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Matiu 17:3

Tisku baku kan, witin nani bui Moses bara Ilayas wal kaikan Jisas wal sturi aisi kan.

Luk 9:33

Bamna baha waitnika nani mahka Jisas wina dakwi taki wan ba ra, Pita bila: —¡Smasmalkra, yawan nâra kaia wirâ pain sa! Kaisa utla sirpi yumhpa daukaia: kumi ba man wamtla, wala ba Moses watla, bara yumhpika lika Ilayas watla. Sakuna Pita witin dîa aisi kan ba tânka briras kata.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Jan 7:2

Utla Papakni liliaka piua ba pat baila kan, bara baha ba lika Ju nani mapa ra lilia piua tara kum kata.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.