Matiu 17:20 - DAWAN BÎLA AISKA

²⁰ Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 17:20 ပူးပေါင်းရင်းမြစ်များ

Matiu 13:31

Jisas mita maprika lilka wala na sin witin nani ra aisin: “Gâd king aimaki lâka ba waitna kum ai nasla ra mostard mâ kum mangki ba baku sa.

Matiu 14:29

Bara Jisas mita win: —Bamna, bal. Bara Pita duri ba wina iwi, lî purak mahka wapan Jisas bâra kan ba kat waia dukiara.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 17:19

Baha ningkara, disaipil nani Jisas wal tnaya ra taki aisi, makabi walan: —¿Nahki kan yang nani pirit saura ba sip kangbi sakras kapri?

Matiu 17:9

Il ba wina witin nani iwi auya kan ba ra, Jisas mita naku adar yan: —Naha dukia aihka kaikram na upla kumi ra sin man nani aisapara, Upla Luhpia Waitna ba pruan wina kli bubia ba kat.

Matiu 21:21

Jisas witin nani ra win: —Kasak pali man nani ra mai wisna, kasak lukan lâka brih, namhpa namhpa lika lukras sma kaka, kwah damni dusa ra daukri na man nani daukma; bara naha baman apia, sakuna naha ilka ra sin wima: ‘Naha wina taki, kabu ra wih dims’, bara baku takbia.

Matiu 8:26

Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.

Mark 11:22

Jisas witin nani ra win: —Man nani lika Gâd ra kasak lukan lâka bris.

Mark 11:23

Kasak man nani ra mai wisna: Ya ya naha ilka ra ‘Naha wina taki kabu ra dimi was’ wibia kaka, ai kupia ra namhpa namhpa lukras, bara diara aisin ba kat kasak lukbia kaka, baku takan kabia.

Mark 4:31

Baha lika mostard mâ tasba ra mangki ba baku sa. Dus mâ nani tasba ra ba wal, naha na kau mâ sirpi sa,

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Luk 1:37

Gâd mapara sip apia dukia âpu sa.

Luk 17:6

Bara Dawan pana win: —Kasak lukan lâka ba sim mostard mâ lupia ba baku pan brisma kaka, naha kwah damni dusa tara ra sip sma wiaia: “Naha wina daiwi, kabu ra wih dimi was”, bara dusa ba baha kat daukbia.

Luk 18:27

Bara Jisas bila: —Upla daukaia sip apia ba, Gâd lika sip sa.

Jan 11:40

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?

1 Korint 12:9

Wala nani baha sim Spiritka mita, kasak lukan lâka brisa; bara wala nani ra lika, sikniskira nani rakaia karnika yabisa.

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

Hibru Nani 3:19

Bamna yawan kaikisa, witin nani ba sip dimras kan, kasak lukras kan ba mita.