Matiu 17:18 - DAWAN BÎLA AISKA

¹⁸ Bara Jisas mita lasa ra lawi daukan; bara witin mahka taki wan tukta waitna ba wina. Bara tuktika ba yamni takan baha piua wina.

Matiu 17:18 ပူးပေါင်းရင်းမြစ်များ

Matiu 12:22

Bara Jisas ra waitna kum bri balan, witin ba blain bara sturi sin aisaras, pirit saura kum bri kan ba mita. Jisas mita rakan, bara waitna ba diara kaikaia bara aisaia sin sip kan.

Matiu 15:28

Bara Jisas bila: —¡Mairin, kasak lukankam ba tara brisma ba! Bamna dîa lukisma ba kat daukan kabia. Baha sim pali piua ra luhpia mairin kata ba rawan.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 17:19

Baha ningkara, disaipil nani Jisas wal tnaya ra taki aisi, makabi walan: —¿Nahki kan yang nani pirit saura ba sip kangbi sakras kapri?

Matiu 9:22

Sakuna Jisas ai ninara tawi, mairka ra kaiki, naku win: —Luhpi mairin, man karnikam bris; kasak lukram bamna, man rawram sa. Bara baha pali piua ra witin rawan.

Mark 1:34

Jisas mita siknis sât sât bri nani ba sut rakan, pirit saura nani sin ailal kangbi sakan. Jisas mita baha piritka saura nani yan sturi sip aisaras, kan baha nani kaikan witin ba ya kata.

Mark 5:8

Naku aisin, kan Jisas pat naku win kan bamna: —¡Pirit saurakira, man waitnika na wina mahka taki was!

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 8:29

Witin baku aisin, kan Jisas mita piritka saura ba ra win, witinka ba wina takbia. Aima ailal piritka saura ba mita alkan kan, bara upla nani mita mihta nani sîn ni priski aihwaki bri kan, sakuna baha sut dakban, bara pirit saura ba mita munan twi ra plapan.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.