Matiu 16:23 - DAWAN BÎLA AISKA

²³ Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 16:23 ပူးပေါင်းရင်းမြစ်များ

Blasi Sturka 3:17

Bara waitna ra sin win: —Man mayam bîla baikra wali bîla walram bamna, man ra mai wisatna baha dusa ba wina mâ pipara, sakuna man ban dusa ba wina mâ piram; bamna man tamka, tasba na lahtuban kabia. Rayakam yua nani sut sarkam lâka ra tasba wina patam saki pi kama.

2 Samuil 19:22

Sakuna Debit pana win: —¡Seruiá luhpia nani, naha na man nani daukaia lâka apia sa! ¿Dîa kan maipara buisma? Aman daira walisna yang na Israel kingka sna, bamna naiwa yua ra Israel kumi sin prubia apia.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Matiu 16:22

Bara Pita mita Jisas ba tnaya ra saki, lawi dauki, win: —¡Dawan, Gâd baku lika sip daukbia apia! ¡Mampara sip baku takbia apia!

Matiu 18:7

¡Tasba mapara nahki saura pali kabia saura daukaia paiwanka nani ailal pali ba mita! Baha piua bani bâra kabia, ¡sakuna ya mita upla wala ra saura daukaia munan saura dauki ba uplika mapara alai pali kabia!

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Mark 8:33

Sakuna Jisas kir tawi ai disaipilka nani ra kaiki, bara Pita ra lawi dauki, aisin: —¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.

Luk 4:8

Sakuna Jisas pana win: —Ulbanka ba wisa: ‘Man Dawan Gâdkam ra puram suni mayuns, bara witin dukia baman dauks.’

Jan 6:70

Jisas pana win: —Man nani 12 sma ba, ¿yang bâk saki mai briri apia? Ban sakuna, man nani wina kumi ba dibil kum sa.

Roman 14:13

Baha mita yawan pana pana wan walka lâka aisi daukaia apia sa. Sakuna, man nani wilin pali taks muihkam mina batakaia dukia ba daukaia apia, saurka lâka ra sin yarka kauhbiara.

Roman 14:21

Bamna pain sa yawan wîna piaia apia, wain sin diaia apia, bara wan muihni mina prukaia dukia kumi sin daukaia apia sa.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Kolosi 3:2

Kasbrika purara diara nani bâra ba luki bas, kuna tasba ra diara nani ba lika apia.