Matiu 16:11 - DAWAN BÎLA AISKA

¹¹ ¿Nahki kan man nani tânka briras kapram, yang bui man nani ra brit dukiara lika mai aisaras kapri ba? Parisi nani bara sadiusi nani îska ba dukiara pain damra wali bas.

Matiu 16:11 ပူးပေါင်းရင်းမြစ်များ

Matiu 16:1

Parisi nani bara sadiusi nani sin Jisas ra kaikaia wan; bara traika kaiki muni, witin ra makaban kasbrika purara ba wina sain aihka kum witin nani ra marikbia.

Matiu 16:12

Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Mark 4:40

Bara Jisas ai disaipilka nani ra win: —¿Dîa kan man nani ban si brisma ki? ¿Nahki kan kasak lukan lâka man nani âpu sma?

Mark 8:15

Bara Jisas karna aisi smalkan: —Kaiks, damra wals parisi nani îska ba, Herod îska dukiara sin.

Mark 8:21

Bara Jisas bila: —¿Kau man nani tânka briras sma ki?

Luk 12:1

Baha piua ra upla tausin ailal bal asla taki kan, bara ban upla ailal mita pana pana taibi kan. Baku bamna, Jisas ai disaipilka nani ra naku smalki win: “Man nani aman kaiki bas parisi nani kuninka ba dukiara, kan baha ba îs baku sa.

Luk 12:56

¡Kuninkira nani! Man nani kasbrika bara tasba mawan tânka pliki sakaia lan pali sma, ¿bamna nahki kan man nani naha piua nani tânka ba sakaia sip apia sma?

Jan 8:43

¿Dîa muni man nani ra diara mai wisna ba sip tânka briras sma? Baha lika man nani mita smalkanki ba walaia want apia sma bamna.