Matiu 15:9 - DAWAN BÎLA AISKA

⁹ Yang ra mayunra aikbia ba bahki kabia, ai smalkanka nani ba upla lâka atia sa bamna.’

Matiu 15:9 ပူးပေါင်းရင်းမြစ်များ

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Lawana Nani 73:13

¡Kupi klin briaia ba bahki sa, bara mihti ba sin bahki sa, sikbi klin briaia watawika lâka ba wina!

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Matiu 15:10

Bara Jisas bui upla nani ra wini, naku win: —Man nani wals bara tânka sin bris:

Mark 7:7

Yang ra ai pura suni mayunbia ba bahki sa, kan ai smalkanka nani ba upla lâka man sa.’

1 Korint 15:2

Naha sim smalkanka mita sika swaki mai sakan sa, man nani ba dîa mai smalkri ba kat daukaia lukisma kaka; bahki pali lika kasak luki banhras sma kaka.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

1 Timoti 1:4

Witin nani ra wis, kisi sturka nani bara kanra wan almukka nani sturka nani ba, walbiara. Naha dukia nani na blahwanka bahki nani baman bukisa, bara Gâd mita yawan kasak lukan lâka wal diara kasak daukaia wankan ba, baha kat daukaia sip hilp wan munras.

Taitus 1:14

bara Ju nani kisi sturka nani aisi nani ba, bîla walbiara, kasak lâka ra bahki kulki uplika nani lâ nani yabi ba sin alki bribiara.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

Param Marikanka 22:18

Baha nani sut naha dahra aisin bîla wali ba naha wauhkataya ra ulban na, yang baha nani ra naku wisni: Ya naha bîla nani ra pura prakbia kaka, Gâd mita witin purara pâtka bribia naha wauhkataya ra ulban na pura prakan bamna.

1 Samuil 25:21

Debit ai kupia ra luki aula kan, witin bahki ra Nabal dukia nani sut twi ra bri kan ba kaina kahbi kan ba, dukia nani ba wina diara kumi pan mihta dakbras kan, yamni munan ba mana nanara saura ni ai aibapisa.