Matiu 14:27 - DAWAN BÎLA AISKA

²⁷ Sakuna Jisas aisi, naku win: —¡Kupiam karna bris; yang sna, si bripara!

Matiu 14:27 ပူးပေါင်းရင်းမြစ်များ

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Matiu 14:28

Bara Pita mita pana aisi, naku win: —Dawan, man sma kaka, aikrika man bâra sma ba kat lî purak wamna.

Matiu 17:7

Bara Jisas witin nani lamara wih, kangbi muni, naku win: —Man nani bûi banhs; si bripara.

Matiu 28:10

Jisas mita mairka nani ra win: —Man nani si bripara. Muihki nani ra wih maisa paks Galili ra wabia, bara bahara ai kaikbia.

Matiu 28:5

Bara insal ba mita mairka nani ra win: —Man nani si bripara. Yang kaikisna man nani ba Jisas dus prihni ra pruan ba plikisma.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Mark 6:50

kan sut kaiki sirang iwan. Sakuna witin aisi, naku win: —¡Kupiam karna bris, yang sna, si bripara!

Luk 1:13

Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:30

Bara insal ba bila: —Si bripara, Meri, Gâd mita man ra yamni pali mai kaikan sa bamna.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Luk 2:10

Sakuna insal ba bila: “Man nani si bripara, kan yang bui man nani ra sturi pain kum mai wiaia balri, naha na upla sut mapa ra lilia tara kabia.

Luk 5:10

Baku sin Sebedi luhpia waitna nani Jems bara Jan, Saiman pânika nani kan ba sin tâ iwan kan. Sakuna Jisas Saiman ra win: —Si bripara; naha piua wina man upla âialkra kama.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 6:20

Sakuna Jisas mita win: —¡Yang sna, man nani si bripara!

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”